കോഴിക്കോട്: ഇന്നും നാളെയും മറ്റന്നാളും അടുപ്പിച്ച് മൂന്നു ദിവസം അവധി കിട്ടിയെന്ന ആഘോഷം വേണ്ട. സംസ്ഥാനത്തെ വിദ്യാലയങ്ങൾക്ക് നാളെ പ്രവർത്തി ദിനം ആയിരിക്കും. സംസ്ഥാന വിദ്യാഭ്യാസ കലണ്ടർ പ്രകാരമാണ് നാളെ സ്കൂൾ തുറന്ന് പ്രവർത്തിക്കുക.

ഇന്ന് സംസ്ഥാനമൊട്ടാകെ ഹർത്താൽ ആയിരുന്നതിനാൽ ക്ലാസുകൾ ഉണ്ടായിരുന്നില്ല. സർവകലാശാല പരീക്ഷകൾ അടക്കം മാറ്റി വെച്ച സാഹചര്യമുണ്ടായി.

നാളെ ശനിയാഴ്ച്ചത്തെ പ്രവർത്തി ദിനത്തിന് ശേഷം ഈ വർഷം 2 പ്രവർത്തി ദിനങ്ങൾ കൂടിയുണ്ട്. ഇപ്പോഴത്തെ തീരുമാന പ്രകാരം ഒക്ടോബർ 29 ശനിയും ഡിസംബർ 3 ശനിയും ആയിരിക്കും സംസ്ഥാനത്തെ സ്കൂളുകൾ തുറന്ന് പ്രവർത്തിക്കുക.

എന്നാൽ വൊക്കേഷണൽ ഹയർ സെക്കണ്ടറി സ്കൂളുകൾക്ക് ശനിയാഴ്ച ദിവസം ക്ലാസുകൾ നിർണ്ണയിക്കുന്നത് ഈ തീയതികൾ അടിസ്ഥാനമാക്കിയല്ല.