കൊയിലാണ്ടി: നന്തി ഇരുപതാം മൈല്‍സില്‍ വാഹനാപകടം. ബസ്സും ബൈക്കും കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രക്കാരനായ യുവാവിന് സാരമായി പരിക്കേറ്റു. വൈകീട്ട് മൂന്ന് മണിയോടെയായിരുന്നു അപകടം.

മരളൂര്‍ സ്വദേശി സജീഷിനാണ് പരിക്കേറ്റത്. തലയ്ക്കുംല കാലിനും പരിക്കേറ്റ ഇദ്ദേഹത്തെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്.

കോഴിക്കോട് നിന്ന് വരികയായിരുന്ന ലിമിറ്റഡ് സ്റ്റോപ്പ് ബസ്സുമായാണ് ബൈക്ക് കൂട്ടിയിടിച്ചത്. അപകടം നടന്ന ഉടന്‍ യുവാവിനെ നന്തിയിലെ സ്വകാര്യ ആശുപത്രിയിലെത്തിച്ചു. പ്രാഥമിക ചികിത്സയക്ക് ശേഷമാണ് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയത്.