പച്ച മുട്ട ഉപയോഗിച്ചുള്ള മയോണൈസ് നിര്‍മാണം നിരോധിച്ചതോടെ മയോണൈസ് പ്രേമികള്‍ ആശങ്കയിലാണ്. എന്നാലിതാ അവര്‍ക്കായി മുട്ടകള്‍ പാസ്ചുറൈസ് ചെയ്ത ശേഷം മയോണൈസ് നിര്‍മ്മിക്കുന്ന വീഡിയോ പങ്കുവെച്ചിരിക്കുകയാണ് ഫുഡ് സേഫ്റ്റി കേരള.

മുട്ട ഉപയോഗിച്ച് മയോണൈസ് തയ്യാറാക്കുമ്പോള്‍ ശ്രദ്ധിക്കേണ്ട കാര്യങ്ങള്‍

1- മുട്ടകള്‍ക്ക് കേടുപാടുകളുണ്ടോ അവ പൊട്ടിയിട്ടുണ്ടോ എന്നാദ്യം പരിശോധിക്കുക. അത്തരത്തിലുള്ള മുട്ടകള്‍ ഒഴിവാക്കുക

2- പാസ്ച്ചറൈസേഷനായി വൃത്തിയുള്ളതും കേടുവരാത്തതുമായ മുട്ടകള്‍ മാത്രമേ ഉപയോഗിക്കാന്‍ പാടുള്ളൂ.

3- സോസ് പാനിലോ കെറ്റിലിലോ ഫില്‍ട്ടര്‍ ചെയ്ത വെള്ളം ഒഴിച്ച് 60ഡിഗ്രി സെല്‍ഷ്യസ് മുതല്‍ 62 വരെ ചൂടാക്കുക.

4- പുറംതോട് കഴുകിയ മുട്ടകള്‍ 3-35 മിനുട്ട് ഈ വെള്ളത്തില്‍ മുക്കി വെക്കുക. മുടട്കള്‍ പുറത്തെടുത്ത് വൃത്തിയുള്ള തുണി കൊണ്ട് തുടയ്ക്കുക.

5- മുട്ടയുടെ തോട് പൊട്ടിച്ച് ഒരു തെളിഞ്ഞ ഗ്ലാസിലേക്ക് ഒഴിച്ച് മഞ്ഞക്കരുവിന് കേടുപാടുകള്‍, രക്തക്കറ എന്നിവ ഉണ്ടോയെന്ന് പ്രത്യേകം പരിശോധിക്കുക.

6-കേടുപാടുകള്‍ ഇല്ലായെന്ന് ഉറപ്പാക്കിയ ശേഷം മുട്ട ഒരു മിക്‌സര്‍ ജാറിലേ്ക്ക് ഒഴിച്ച് ആവശ്യമായ ചേരുവകള്‍ ചേര്‍ക്കാവുന്നതാണ്.

7-ഇങ്ങനെ തയ്യാറാക്കുന്ന മയോണൈസ് 45 മിനുട്ട് മാത്രം ഉപയോഗിക്കുക.

8- മിച്ചം വരുന്നത് ഒഴിവാക്കി പുതിയ മയോണൈസ് നിര്‍മ്മിക്കുക.