ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി അധ്യാപകരടക്കം 253 തസ്തികളില്‍ പി.എസ്.സി വിജ്ഞാപനം
തിരുവനന്തപുരം: ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി, ഹൈസ്‌കൂള്‍, എല്‍.പി അധ്യാപകര്‍, വനിതാ സിവില്‍ പൊലീസ് ഓഫീസര്‍, സര്‍വകലാശാലകളില്‍ ലാസ്റ്റ് ഗ്രേഡ് സെര്‍വന്റ് എന്നിവ ഉള്‍പ്പെടെ 253 തസ്തികയില്‍ പി.എസ്.സി വിജ്ഞാപനം. ഫെബ്രുവരി ഒന്നിനു രാത്രി 12ന് മുമ്പ് ഓണ്‍ലൈനായി അപേക്ഷിക്കണം.
കേരള സിവില്‍ പൊലീസ് സര്‍വീസില്‍ എസ്.ഐ (ട്രെയിനി), ആസൂത്രണ ബോര്‍ഡില്‍ ചീഫ്, പൊതുമരാമത്തും ജലസേചനവും വകുപ്പുകളില്‍ അസി. എന്‍ജിനിയര്‍, കോളേജുകളില്‍ വിവിധ വിഷയത്തില്‍ അസി. പ്രൊഫസര്‍, കോളേജ് ലക്ചറര്‍ എന്നിവയാണ് മറ്റ് പ്രധാന തസ്തികകള്‍.
എല്‍.ഡി ടൈപ്പിസ്റ്റ്, ലാസ്റ്റ് ഗ്രേഡ് സെര്‍വന്റ് എന്നീ തസ്തികകളിലേക്കുള്ള പട്ടികജാതി- പട്ടികവര്‍ഗ വിഭാഗങ്ങള്‍ക്കുള്ള പ്രത്യേക നിയമനവും സംവരണ സമുദായങ്ങള്‍ക്കുള്ള എന്‍.സി.എ വിജ്ഞാപനങ്ങളും ഉള്‍പ്പെടും.