കൊയിലാണ്ടി: കുറുവങ്ങാട് നിന്നും കാണാതായ പതിനേഴുകാരിയെ കർണാടകത്തിൽ നിന്നും കണ്ടെത്തി. രക്ഷിതാക്കൾ നൽകിയ പരാതിയുടെ അടിസ്ഥാനത്തിൽ സൈബർ സെല്ലിൻ്റെ സഹായത്തോടെ കൊയിലാണ്ടി സി.ഐ.എൻ.സുനിൽകുമാറിൻ്റെ നേതൃത്വത്തിലുള്ള പ്രത്യേക അന്വേഷണത്തിലാണ് പെൺകുട്ടിയെ കണ്ടെത്തിയത്.

പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടു പോയ സംഭവം; പോക്‌സോ കേസിൽ കുറുവങ്ങാട് സ്വദേശി ഉൾപ്പെടെ രണ്ട് പ്രതികളെ റിമാൻഡ് ചെയ്തു

സിനിമയില്‍ അഭിനയിപ്പിക്കാമെന്ന് പറഞ്ഞ് പ്രലോഭിപ്പിച്ചു പെൺകുട്ടിയെ തട്ടിക്കൊണ്ട് പോയതെന്നാണ് ബന്ധുക്കള്‍ പോലീസ് നല്‍കിയ പരാതിയില്‍ പറയുന്നത്. സംഭവത്തിൽ പെൺകുട്ടിയ തട്ടിക്കൊണ്ടുപോയ രണ്ടുപേരെ പോലീസ് അറസ്റ്റു ചെയ്തു. കുറുവങ്ങാട് കേളമ്പത്ത് ജാസിക്അലി (36), ഇയാളുടെ സുഹൃത്ത് എരഞ്ഞിക്കല്‍ മണ്ണാര്‍ക്കണ്ടി അല്‍ ഇര്‍ഫാത്തില്‍ ഷംനാദി (33) എന്നിവരെയാണ് അറസ്റ്റ് ചെയ്തത്. മൂവരെയും കര്‍ണാടകയിലെ മടിവാളയില്‍ നിന്നാണ് പിടികൂടിയത്.

എസ്‌ഐ വി.ആര്‍.അരവിന്ദ്, സീനിയര്‍ സിവില്‍ പോലീസ്ഓഫീസര്‍മാരായ ഒ.കെ.സുരേഷ്, വിനീഷ്, വനിതാ സിവില്‍ പോലീസ് ഓഫീസര്‍ വി.മവ്യ എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.

Summary: A girl from Kuruvangad was kidnapped with the promise of acting in a movie; Two people were arrested