വെങ്ങളം ബൈപ്പാസിന് സമീപം ടിപ്പര്‍ ലോറിയും രണ്ട് കാറുകളും അപകടത്തില്‍പ്പെട്ടു; അപകടം നടന്നത് ഇന്ന് രാവിലെ
കൊയിലാണ്ടി: വെങ്ങളം ബൈപ്പാസിന് സമീപം ടിപ്പര്‍ ലോറിയില്‍ സ്വിഫ്റ്റ് കാര്‍ ഇടിക്കുകയും ഈ കാര്‍ പിന്നീട് മറ്റൊരു ആള്‍ട്ടോ കാറിനെ ഇടിക്കുകയും ചെയ്ത് അപകടം. ഇന്ന് രാവിലെ ഏഴുമണിയോടെയായിരുന്നു സംഭവം.
ഇടിയുടെ ആഘാതത്തില്‍ സ്വിഫ്റ്റ് കാര്‍ തെറിച്ച് റോഡരികിലേക്ക് മാറി. ഈ കാറിലുണ്ടായിരുന്ന മൂന്നുപേര്‍ വണ്ടിയ്ക്കുള്ളില്‍ കുടുങ്ങിയ നിലയിലായിരുന്നു. എയര്‍ബാഗ് ഉണ്ടായിരുന്നതിനാല്‍ ആര്‍ക്കും വലിയ പരിക്കുകളില്ല. ഇവരെ ഉടനെ ആംബുലന്‍സ് വിളിച്ച് കോഴിക്കോട് മെഡിക്കല്‍ കോളജിലേക്ക് കൊണ്ടുപോയി.
കോഴിക്കോട് സ്വദേശിയായ യുവായിരുന്നു ആള്‍ട്ടോ കാറിലുണ്ടായിരുന്നത്. ഇയാള്‍ക്ക് കാര്യമായ പരിക്കുകളൊന്നുമില്ല. കൊയിലാണ്ടിയില്‍ നിന്നും അഗ്നിരക്ഷാസേന അസിസ്റ്റന്റ് സ്റ്റേഷന്‍ ഓഫീസര്‍ മജീദ് എമ്മിന്റെ നേതൃത്വത്തില്‍ സംഘം സ്ഥലത്തെത്തിയിരുന്നു. ഇതിനു മുന്‍പ് പരിക്കേറ്റവരെ കാറില്‍ നിന്നും പുറത്തെടുത്ത് ആശുപത്രിയില്‍ കൊണ്ടു പോയിരുന്നു.