കൊയിലാണ്ടി: കിണറ്റിൽ വീണ ആടിന് രക്ഷകരായി കൊയിലാണ്ടി അഗ്നിശമന സേന. ഉള്ളിയേരി നടുക്കണ്ടി ഹോക്‌സിൽ ശങ്കരന്റെ അതാണ് ഇന്ന് കോനാട്ടിൽ വീണത്. ഇന്നു വൈകുന്നേരം നാലുമണിയോടെയാണ് ആട് പറമ്പിലെ കിണറ്റിൽ വീണത്.

വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന സംഭവസ്ഥലത്തെത്തി രക്ഷാപ്രവർത്തനം ആരംഭിച്ചു. എഫ്.ആർ.ഓ സിജിത്ത് കിണറ്റിലിറങ്ങി ആടിനെ സേനാംഗങ്ങളുടെയും റെസ്ക്യൂ നെറ്റിനെയും സഹായത്തോടെ കരയ്ക്ക് എത്തിക്കുകയും ചെയ്തു.

ഗ്രേഡ് അസിസ്റ്റൻറ് സ്റ്റേഷൻ ഓഫീസർ പ്രദീപ് കെയുടെ നേതൃത്വത്തിൽ എഫ്.ആർ.ഓമാരായ ശ്രീരാഗ്, അമൽ, സത്യൻ ഹോംഗാര്‍ഡുമാരായ രാകേഷ്, പ്രദീപ് എന്നിവർ രക്ഷാപ്രവർത്തനത്തിൽ ഏർപ്പെട്ടു.