ബാലുശ്ശേരിയില്‍ കഞ്ചാവുമായി പത്തൊൻപതുകാരൻ പോലീസ് പിടിയില്‍; കഞ്ചാവ് വീട്ടിൽ പാക്കറ്റുകളിലാക്കി സൂക്ഷിച്ച നിലയില്‍
ബാലുശ്ശേരി: ബാലുശ്ശേരിയില്‍ കഞ്ചാവുമായി പത്തൊൻപതുകാരൻ പോലീസ് പിടിയില്‍. നന്മണ്ട കല്ലുക്കണ്ടി സാരംഗ്(19) ആണ് പിടിയിലായത്. ഇയാളില്‍ നിന്നും അരക്കിലോയ്ക്കടുത്ത് കഞ്ചാവ് പിടിച്ചെടുത്തു. പേരാമ്പ്ര ഡിവൈഎസ്പി കുഞ്ഞിമോയീൻ കുട്ടിക്ക് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ ഇന്ന് വൈകുന്നേരം നന്മണ്ടയ്ക്കടുത്ത് വച്ചാണ്
ഇയാളെ പോലീസ് പിടികൂടിയത്.
വീട്ടിൽ പാക്കറ്റുകളിലാക്കി സൂക്ഷിച്ച നിലയിലായിരുന്നു കഞ്ചാവ്. പ്രതിക്ക് മുമ്പും ലഹരിയുമായി ബന്ധപ്പെട്ട കേസുള്ളതായി പോലീസ് പറഞ്ഞു. ഡിവൈഎസ്പിയുടെ സ്ക്വാഡും ബാലുശേരി പോലീസും ചേർന്നാണ് പ്രതിയെ പിടികൂടിയത്.