കൊയിലാണ്ടി: ആന്തട്ട ഗവ.യു.പി.സ്കൂളിൽ വായനാ വാരാചരണ പരിപാടികൾക്ക് തുടക്കമായി. അക്ഷരപ്പറയെ അക്ഷരങ്ങളാൽ നിറച്ചു കൊണ്ട് ഹെഡ്മാസ്റ്റർ എം.ജി. ബൽരാജ് വാരാചരണ പരിപാടികൾ ഉദ്ഘാടനം ചെയ്തു. കവി സത്യചന്ദ്രൻ പൊയിൽക്കാവ് മുഖ്യാതിഥിയായി.

വായനാ വാരാചരണത്തിന്റെ ഭാ​ഗമായി വൈവിധ്യമാർന്ന പരിപാടികളാണ് സംഘടിപ്പിക്കുന്നത്. അക്ഷരമരം, സാഹിത്യ ക്വിസ്, ആസ്വാദനക്കുറിപ്പു തയ്യാറാക്കൽ, രചനാ മൽസരം, എല്ലാ ക്ലാസുകളിലും വായനാമൂല ഒരുക്കൽ എന്നിവയാണ്.

സ്കൂളിൽ നടന്ന ചടങ്ങിൽ പി.ജയകുമാർ, റിജിന കെ.പി, ചെൽസി എൻ.എം, ഷിംലാൽ ഡി.ആർ, മിനിജ വി എന്നിവർ സംസാരിച്ചു.