പയ്യോളി: പയ്യോളി സ്വദേശിയുടെ കൊലപാതകത്തിൽ മൂന്നു പേർ കസ്റ്റഡിയിൽ. പള്ളിക്കര സ്വദേശി കുനിയിൽ കുളങ്ങര സഹദിന്റെ മരണത്തിലാണ് നാട്ടുകാരായ മൂന്ന് പേരെ പൊലീസ് കസ്റ്റഡിയിൽ എടുത്തത്. പയ്യോളി സ്വദേശികളായ അലി, ഇസ്മായിൽ, ഷൈജൽ എന്നിവരാണ് പിടിയിലായത്. മദ്യപാനത്തെ തുടർന്നുള്ള തർക്കം കൊലപാതകത്തിൽ കലാശിക്കുകയായിരുന്നുവെന്ന് പൊലീസ് പറയുന്നു.

ഇന്നലെ വൈകീട്ട് ആറരയോടെയാണ് സംഭവം. പയ്യോളി ഹൈ സ്കൂളിന് സമീപത്തെ തട്ടുകടയിൽ വെച്ച് ഇവർ തമ്മിൽ തർക്കാവും പിന്നീട് അക്രമവുമുണ്ടാവുകയായിരുന്നു. മർദ്ദനമേറ്റ സഹദിനെ ആദ്യം കൊയിലാണ്ടി താലൂക് ആശുപത്രിയിലാണ് എത്തിച്ചത്. പരിക്ക് ഗുരുതരമായതിനാൽ യുവാവിനെ പിന്നീട് കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. എന്നാൽ ജീവൻ രക്ഷിക്കാൻ കഴിഞ്ഞില്ല.

സംഭവവുമായി ബന്ധപ്പെട്ട് രണ്ടു പേരെ ഇന്നലെ തന്നെ പോലീസ് കസ്റ്റഡിയിൽ എടുത്തിരുന്നു ഇന്ന് രാവിലെ പോസ്റ്റ് മാർട്ടം റിപ്പോർട്ട് കിട്ടിയതിനു ശേഷമായിരിക്കും ഏതൊക്കെ കുറ്റം ചുമത്തേണ്ടത് എന്ന് തീരുമാനിച്ച് കേസ് രജിസ്റ്റർ ചെയ്യുക. മൃതദേഹം കോഴിക്കോട് മെഡിക്കൽ കോളേജിൽ.