പൂക്കാട് കുഞ്ഞികുളങ്ങര മഹാഗണപതി ക്ഷേത്രത്തിലെ വില്ലെഴുന്നള്ളിപ്പ് മഹോത്സവം ജനുവരി 13 മുതല്‍; വില്ലെഴുന്നള്ളിപ്പ് ബോധിക വിനായകം പുറത്തിറങ്ങി
ചേമഞ്ചേരി: പൂക്കാട് ശ്രീ കുഞ്ഞികുളങ്ങര മഹാഗണപതി ക്ഷേത്രത്തിലെ വില്ലെഴുന്നള്ളിപ്പ് മഹോത്സവ ബോധിക വിനായകം പ്രകാശനം ചെയ്തു. ക്ഷേത്രം മേല്‍ശാന്തി ബ്രഹ്‌മശ്രീ അരിയാക്കില്‍ പെരികമന ദാമോദരന്‍ നമ്പൂതിരിക്ക് ക്ഷേത്ര കമ്മിറ്റിസെക്രട്ടറി കെ.വി.രാജേഷ് ആദ്യ പ്രതിനല്‍കി.
പ്രകാശന ചടങ്ങില്‍ പ്രസിഡണ്ട് സുനില്‍കുമാര്‍ പാലയ്ക്കല്‍ അധ്യക്ഷത വഹിച്ചു. ഉത്സവാഘോഷ കമ്മിറ്റി പ്രസിഡണ്ട് ജി.കെ.ഷിബു, സെക്രട്ടറി വിനോദ് കാളക്കണ്ടി, ട്രഷറര്‍ പി.കെ.സന്തോഷ് പങ്കെടുത്തു. ഉത്സവ ഫണ്ടിലേയുള്ള ആദ്യ സമര്‍പ്പണം ക്ഷേത്ര ഊരാളതറവാട്ടിലെ കരുവിശ്ശേരി ഭാനുമതി അമ്മ നിര്‍വ്വഹിച്ചു. 2025ജനുവരി 13 മുതല്‍ 18 വരെയാണ് വില്ലെഴുന്നള്ളിപ്പ് മഹോത്സവം.