മത്സ്യത്തൊഴിലാളികള്‍ക്ക് ആശ്വാസം; മത്സ്യ തൊഴിലാളികള്‍ക്ക് ഇരു ചക്രവാഹനവും ഐസ്ബോക്‌സും വിതരണം ചെയ്ത് കൊയിലാണ്ടി നഗരസഭ
കൊയിലാണ്ടി: മുനിസിപ്പാലിറ്റി 2024-25 വര്‍ഷത്തെ മത്സ്യ തൊഴിലാളികള്‍ക്ക് ഇരു ചക്രവാഹനവും ഐസ്ബോക്‌സും വിതരണം ചെയ്തു. ചെയര്‍പേഴ്‌സണ്‍ സുധ കിഴക്കെപ്പാട്ട് ഉദ്ഘാടനം നിര്‍വഹിച്ചു.
10 പേര്‍ക്കാണ് മുനിസിപ്പാലിറ്റി ഇരു ചക്രവാഹനം ഐസ്ബോക്‌സ് വിതരണം ചെയുന്നത്. 80000 രൂപയിലധികം യൂണിറ്റ് കോസ്റ്റ് വരുന്ന ടാങ്കിന് 40000 രൂപ മുനിസിപ്പാലിറ്റി സബ്സിഡി ആയി നല്‍കുന്നതാണ്. തന്‍വര്‍ഷം 800000 രൂപയാണ് മുനിസിപ്പാലിറ്റി വകയിരുത്തിയത്.
യോഗത്തില്‍ വികസന കാര്യ സ്റ്റാന്‍ഡിങ് കമ്മിറ്റി ഇന്ദിര ടീച്ചര്‍ അധ്യക്ഷത വഹിച്ചു. വാര്‍ഡ് കൗണ്‍സിലര്‍മാരായ വൈശാഖ്, സുധാകരന്‍, സിന്ധു സുരേഷ് എന്നിവര്‍ ആശംസകള്‍ അറിയിച്ചു. ഫിഷറീസ് എക്സ്റ്റന്‍ഷന്‍ ഓഫീസര്‍ ആതിര സ്വാഗതം പറഞ്ഞ ചടങ്ങില്‍ ഫിഷറീസ് ഓഫീസര്‍ നന്ദി അറിയിച്ചു.