എലത്തൂര്‍ സ്വദേശിയും കോഴിക്കോട് ജില്ലാ എന്‍.ആര്‍.ഐ അസോസിയേഷന്‍ ഭാരവാഹിയുമായ പി.ജയപ്രകാശ് കുവൈത്തില്‍ അന്തരിച്ചു
കുവൈത്ത് സിറ്റി: കോഴിക്കോട് ജില്ലാ എന്‍.ആര്‍.ഐ അസോസിയേഷന്‍ (കെ.ഡി.എന്‍.ഐ) സാല്‍മിയ ഏരിയാ ട്രഷററും സെന്‍ട്രല്‍ എക്‌സിക്യുട്ടീവ് കമ്മിറ്റി അംഗവുമായ എലത്തൂര്‍ സ്വദേശി പി.ജയപ്രകാശ് കുവൈത്തില്‍ അന്തരിച്ചു. എഴുപത് വയസായിരുന്നു. അസുഖത്തെ തുടര്‍ന്ന് ചികിത്സയിലിരിക്കെ മുബാറക് ആശുപത്രിയില്‍ വച്ചായിരുന്നു അന്ത്യം.
ഭാര്യ: ലസിത ജയപ്രകാശ് (ദാറുല്‍ ഷിഫാ ഹവല്ലി).
മക്കള്‍: ദിവ്യ ജയപ്രകാശ് (കുവൈത്ത്), ദീപ്തി ജയപ്രകാശ് (മെഡിസിന്‍ പി.ജി.വിദ്യാര്‍ത്ഥിനി, ഇന്ത്യ), കാവ്യ ജയപ്രകാശ് (വിദ്യാര്‍ത്ഥിനി, യു.എസ്.എ).
സംസ്‌കാരം കുവൈത്തില്‍ നടക്കും. ജയപ്രകാശിന്റെ വേര്‍പാടില്‍ കോഴിക്കോട് ജില്ലാ എന്‍.ആര്‍.ഐ അസോസിയേഷന്‍ ദുഃഖം രേഖപെടുത്തി.