ഖത്തറിലെ വെയർഹൗസിൽ കണ്ടെയ്നറുകൾ ഇറക്കുന്നതിനിടെ അപകടത്തിൽപ്പെട്ട് മുക്കം സ്വദേശി മരിച്ചു
കോഴിക്കോട്: ഖത്തറിലെ ഇന്‍ഡസ്ട്രിയില്‍ ഏരിയയില്‍ വെയര്‍ ഹൗസിലെ ജോലിക്കിടയിലുണ്ടായ അപകടത്തില്‍ മുക്കം സ്വദേശി മരണപ്പെട്ടു. മുക്കം മണാശ്ശേരിയിലെ മുത്താലം കിടങ്ങന്‍തടായില്‍ മുഹമ്മദ് (ബാബു-56) ആണ് ഞായറാഴ്ച ഉച്ചകഴിഞ്ഞുണ്ടായ അപകടത്തില്‍ മരിച്ചത്.
ഭാര്യ: കെട്ടാങ്ങല്‍ കണ്ടിയില്‍ നഫീസ. മക്കള്‍: ഷൗക്കത്ത് (സൗദി), ജംഷീറലി (ഖത്തര്‍), ജുമൈലത്ത് (എന്‍.ജി.ഒ കോര്‍ട്ടേഴ്സ്), ജംഷീറ (മടവൂര്‍). മരുമക്കള്‍: താജുദ്ദീന്‍ (എന്‍.ജി.ഒ കോര്‍ട്ടേഴ്സ്), ഷമീര്‍ (മടവൂര്‍), ബിസ്‌ന നസ്‌റീന്‍ (അരീക്കോട്), നസ്‌റീന്‍ (പാഴൂര്‍).
ജോലി സ്ഥലത്ത് കണ്ടെയ്നറുകള്‍ ഇറക്കുന്നതിനിടയിലുണ്ടായ അപകടത്തില്‍ പരിക്കേറ്റ മുഹമ്മദിനെ ഉടന്‍ ആശുപത്രിയിലെത്തിച്ചെങ്കിലും മരിക്കുകയായിരുന്നു. ഹമദ് മെഡിക്കല്‍ കോര്‍പറേഷന്‍ മോര്‍ച്ചറിയില്‍ സൂക്ഷിച്ച മൃതദേഹം നടപടികള്‍ പൂര്‍ത്തിയാക്കിയ ശേഷം നാട്ടിലെത്തിക്കുമെന്ന് ബന്ധുക്കള്‍ അറിയിച്ചു.