Tag: bike
കൊയിലാണ്ടി റെയില്‍വേ സ്‌റ്റേഷന് സമീപം നിര്‍ത്തിയിട്ട ബൈക്ക് മോഷണം പോയതായി പരാതി
കൊയിലാണ്ടി: കൊയിലാണ്ടി റെയില്‍വേ സ്‌റ്റേഷന് സമീപം നിര്‍ത്തിയിട്ട ബൈക്ക് മോഷണം പോയതായി പരാതി. കാരയാട് സ്വദേശി ശ്യാംജിത്തിന്റെ ബൈക്കാണ് മോഷണം പോയത്. തിങ്കളാഴ്ച രാവിലെ 10 മണിക്ക് നിര്‍ത്തിയിട്ട ബൈക്ക് ചൊവ്വാഴ്ച രാവിലെ 10മണിയോടെ എടുക്കാന്‍ എത്തിയപ്പോഴാണ് മോഷണം പോയതായി മനസിലായത്. കെ.എല്‍ 52 ഡി 6845 നമ്പര്‍ ഹോണ്ട ഷൈന്‍ ബൈക്കാണ് മോഷണം പോയത്.
നിങ്ങളുടെ ബൈക്ക് നഷ്ടപ്പെട്ടിട്ടുണ്ടോ? ആനക്കുളം കോവിലേരി താഴെ ബൈക്ക് ഉപേക്ഷിച്ച നിലയില്‍
കൊയിലാണ്ടി: ആനക്കുളം-മുചുകുന്ന് റോഡില്‍ കോവിലേരി താഴെ ബസ്‌റ്റോപ്പിന് സമീപം ബൈക്ക് ഉപേക്ഷിച്ച നിലയില്‍. കെ.എല്‍.18 എഫ്.1972 എന്ന നമ്പറിലുള്ള പള്‍സര്‍ ബൈക്കാണ് ഇവിടെയുള്ളത്. മൂന്നാഴ്ചയോളമായി ഇവിടെ ഈ ബൈക്ക് അനാഥമായി കിടക്കുകയാണെന്നാണ് പ്രദേശവാസികള്‍ പറയുന്നത്. പ്രദേശത്തെ വാര്‍ഡ് കൗണ്‍സിലര്‍ കൊയിലാണ്ടി പൊലീസില്‍ വിവരം അറിയിച്ചിരുന്നു.
മുക്കത്ത് മണ്ണുമാന്തിയന്ത്രവും ബൈക്കും കൂട്ടിയിടിച്ച് യുവാവ് മരിച്ചു
മുക്കം: മണ്ണുമാന്തിയന്ത്രവും ബൈക്കും കൂട്ടിയിടിച്ച് യുവാവ് മരിച്ചു. കൊടിയത്തൂര്‍ പഞ്ചായത്തിലെ തോട്ടുമുക്കം പുതിയനിടത്താണ് അപകടം. മാടമ്പി സ്വദേശി കെ.പി.സുധീഷ് ആണ് മരിച്ചത്. മുപ്പത് വയസായിരുന്നു. ചൊവ്വാഴ്ച രാത്രി ഏഴ് മണിയോടെയാണ് അപകടമുണ്ടായത്. തോട്ടുമുക്കത്തുനിന്ന് വാലില്ലാപ്പുഴയിലേക്ക് വരുകയായിരുന്ന ജെ.സി.ബിയും വാലില്ലാപ്പുഴയില്‍നിന്ന് തോട്ടുമുക്കം ഭാഗത്തേക്ക് പോവുകയായിരുന്ന ബൈക്കുമാണ് അപകടത്തില്‍പ്പെട്ടത്. ലൈറ്റ് ഇല്ലാതെയാണ് ജെ.സി.ബി വന്നിരുന്നത്. ഗുരുതരമായി പരിക്കേറ്റ സുധീഷിനെ
ഹെല്‍മറ്റിനുള്ളില്‍ പാമ്പ്; ബൈക്കില്‍ സഞ്ചരിക്കവെ കൊയിലാണ്ടി സ്വദേശിയായ യുവാവിന് പാമ്പ് കടിയേറ്റു
കൊയിലാണ്ടി: ബൈക്കില്‍ പോകുന്നതിനിടെ യുവാവിന് പാമ്പുകടിയേറ്റു. കൊയിലാണ്ടി സ്വദേശി രാഹുലിനെയാണ് ഹെല്‍മറ്റിനുള്ളില്‍ ഉണ്ടായിരുന്ന പാമ്പ് കടിച്ചത്. ഓഫീസിലേക്ക് അടിയന്തിരമായി പോകുന്നതിനിടെയായിരുന്നു സംഭവം. ബൈക്കില്‍ അഞ്ച് കിലോമീറ്ററോളം സഞ്ചരിച്ചപ്പോള്‍ രാഹുലിന് തലയുടെ വലത് ഭാഗത്ത് അസഹ്യമായ വേദന അനുഭവപ്പെട്ടു. തുടര്‍ന്ന് ഹെല്‍മറ്റ് ഊരി പരിശോധിച്ചപ്പോഴാണ് ഉള്‍ഭാഗത്തായി വലിയ പാമ്പിനെ കണ്ടത്. ഹെല്‍മറ്റ് ഊരിയ ഉടന്‍ തന്നെ പാമ്പ്
മേപ്പയ്യൂര്‍ കൂനംവള്ളിക്കാവില്‍ കാറും ബൈക്കും കൂട്ടിയിടിച്ചു; ഒരാള്‍ക്ക് ഗുരുതര പരിക്ക്
മേപ്പയ്യൂര്‍: കൂനംവള്ളിക്കാവിലുണ്ടായ അപകടത്തില്‍ ഒരാള്‍ക്ക് ഗുരുതരമായി പരിക്കേറ്റു. മേപ്പയ്യൂര്‍-പേരാമ്പ്ര റോഡില്‍ കൂനംവള്ളിക്കാവ് ട്രാന്‍സ്‌ഫോര്‍മറിന് സമീപം വൈകീട്ട് അഞ്ച് മണിയോടെയായിരുന്നു അപകടം. ബൈക്കും കാറും തമ്മില്‍ കൂട്ടിയിടിച്ചാണ് അപകടമുണ്ടായത്. ബൈക്ക് യാത്രികനാണ് അപകടത്തില്‍ പരിക്കേറ്റത്. മേപ്പയ്യൂരിലെ സ്വകാര്യ ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയ ശേഷം പരിക്ക് ഗുരുതരമായതിനാല്‍ ഇയാളെ കോഴിക്കോട് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി.
ഒഴിവായത് വൻ ദുരന്തം; കൊയിലാണ്ടിയിൽ നിയന്ത്രണം വിട്ട കാർ നിരവധി ബൈക്കുകൾ ഇടിച്ച് തകർത്തു
കൊയിലാണ്ടി: നിയന്ത്രണം വിട്ട കാർ ബൈക്കുകൾ ഇടിച്ച് തകർത്തു. ദേശീയപാതയിൽ കൊയിലാണ്ടി ഗവ. താലൂക്ക് ആശുപത്രിക്ക് മുന്നിലാണ് അപകടമുണ്ടായത്. കോഴിക്കോട് നിന്ന് വടകരയിലേക്ക് പോവുകയായിരുന്ന KL-18-E-9798 നമ്പറിലുള്ള വാഗൺ-ആർ കാറാണ് അപകടമുണ്ടാക്കിയത്. ചൊവ്വാഴ്ച വൈകീട്ട് ആറേ മുക്കാലോടെയാണ് അപകടമുണ്ടായത്. പതിനൊന്ന് ബൈക്കുകളെയാണ് കാർ ഇടിച്ച് തകർത്തത്. തിരക്കേറിയ സമയത്തായിരുന്നു അപകടം. നിരവധി പേർ കടന്നു പോകുന്ന ഇടമായിരുന്നിട്ട്
കോഴിക്കോട് ആനക്കുളത്ത് നിന്ന് മോഷ്ടിച്ച ബൈക്കുമായി കറങ്ങി നടന്നു, ഒടുവില്‍ പിടിവീണു; യുവാക്കള്‍ അറസ്റ്റില്‍
കോഴിക്കോട്: മോഷ്ടിച്ച ഇരുചക്ര വാഹനത്തില്‍ കറങ്ങി നടന്ന യുവാക്കള്‍ പിടിയിലായി. കോഴിക്കോട് ആനക്കുളത്തെ പാര്‍ക്കിങ് ഏരിയയില്‍ നിന്ന് ബൈക്ക് മോഷ്ടിച്ച യുവാക്കളാണ് കുറ്റിപ്പുറത്ത് പിടിയിലായത്. കുറ്റിപ്പുറം സ്വദേശികളായ ഷാഹുല്‍ ഹമീദ് (38), വൈഷ്ണവ് (23) എന്നിവരെയാണ് ടൗണ്‍ പൊലീസ് കുറ്റിപ്പുറത്ത് നിന്ന് പിടികൂടിയത്. ടൗണ്‍ അസിസ്റ്റന്റ് കമ്മീഷണര്‍ പി.ബിജുരാജിന്റെ നേതൃത്വത്തിലുള്ള സിറ്റി ക്രൈം സ്‌ക്വാഡും ടൗണ്‍
കൊയിലാണ്ടി കൊല്ലത്ത് വാഹനാപകടം; വഗാഡ് കമ്പനിയുടെ ലോറിയിടിച്ച് ബെെക്ക് യാത്രികന് ഗുരുതര പരിക്ക്
കൊയിലാണ്ടി: കൊയിലാണ്ടി: കൊല്ലം പെട്രോൾ പമ്പിന് സമീപത്ത് ടിപ്പർ ലോറിയിടിച്ച് ബെെക്ക് യാത്രികന് ഗുരുതര പരിക്ക്. അപകടത്തിൽ പരിക്കേറ്റ മണി (29) എന്ന യുവാവിനെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. ഇന്ന് രാത്രി 9.45 ഓടെയാണ് അപകടം. വഗാഡിന്റെ ലോറിയാണ് അപടകത്തിനിടയാക്കിയത്. റോഡിലൂടെ പോവുകയായിരുന്ന ബെെക്കിനെ വഗാഡിന്റെ കോൺക്രീറ്റ് മിക്സർ ലോറി ഇടിക്കുകയായിരുന്നു. ഇടിയുടെ ആഘാതത്തിൽ
തൊണ്ടയാട് ബൈപ്പാസിലെ ബഹുനില കെട്ടിടത്തില്‍ വന്‍ തീ പിടിത്തം; നിരവധി ബൈക്കുകള്‍ കത്തിനശിച്ചു (വീഡിയോ കാണാം)
കോഴിക്കോട്: തൊണ്ടയാട് ബൈപ്പാസിലെ ബഹുനില കെട്ടിടത്തില്‍ വന്‍ തീ പിടിത്തം. കെട്ടിടത്തിന്റെ താഴെ നിലയില്‍ പ്രവര്‍ത്തിക്കുന്ന കാര്‍ ആക്‌സസറീസ് ഷോറൂമിലാണ് തീ പിടിത്തം ഉണ്ടായത്. ഉച്ചയ്ക്ക് മൂന്നരയോടെയാണ് തീ പിടിത്തം ഉണ്ടായത്. കെട്ടിടത്തിലെ പാര്‍ക്കിങ് ഏരിയയില്‍ നിര്‍ത്തിയിട്ടിരുന്ന നിരവധി ബൈക്കുകള്‍ തീ പിടിത്തത്തില്‍ കത്തിനശിച്ചു. ആക്‌സസറീസ് ഷോറൂമിനോട് ചേര്‍ന്നുള്ള പാര്‍ക്കിങ് സ്ഥലത്ത് നിര്‍ത്തിയിട്ട ബൈക്കുകളാണ് കത്തിനശിച്ചത്.
വീട്ടുമുറ്റത്തേക്ക് കയറ്റുന്നതിനിടെ ബൈക്ക് ചരിഞ്ഞു, ചെയിനിനുള്ളില്‍ കാല് കുടുങ്ങി; അയനിക്കാട് സ്വദേശിയായ യുവാവിന് രക്ഷകരായി വടകര ഫയര്‍ ഫോഴ്‌സ്, ചെയിന്‍ മുറിച്ച് നീക്കി
പയ്യോളി: ബൈക്കിന്റെ ചെയിനിനുള്ളില്‍ കാല് കുടുങ്ങിയ യുവാവിന് രക്ഷകരായി വടകര ഫയര്‍ ഫോഴ്‌സ്. അയനിക്കാട് പോസ്റ്റ് ഓഫീസിന് സമീപം നാലാം കണ്ടത്തില്‍ ഇരുപത്തിയഞ്ചുകാരനായ എന്‍.കെ.വിഷ്ണുലാലിന്റെ കാലാണ് ചെയിനില്‍ കുടുങ്ങിയത്. ഞായറാഴ്ച രാവിലെ പത്ത് മണിയോടെയാണ് സംഭവം. ബൈക്ക് വീട്ടുമുറ്റത്തേക്ക് കയറ്റുകയായിരുന്നു വിഷ്ണുലാല്‍. ഇതിനിടെ ബൈക്ക് ചരിയുകയായിരുന്നു. വീഴാതിരിക്കാനുള്ള ശ്രമത്തിനിടെയാണ് വിഷ്ണുലാലിന്റെ കാല് ബൈക്കിന്റെ ചെയിനില്‍ കുടുങ്ങിയത്.