എം.എൽ.എ.യുടെ ആസ്തിവികസനഫണ്ടിൽ നിന്ന് 30 ലക്ഷം രൂപ ഐ.പി. ബ്ലോക്കിനായി അനുവദിച്ചിട്ടുണ്ട്. ആശുപത്രിയിൽ കിടത്തിച്ചികിത്സാ സൗകര്യമില്ലാത്തത് രോഗികൾക്ക് ഏറെ പ്രയാസമുണ്ടാക്കിയിരുന്നു.

രാവിലെ ഒൻപതുമുതൽ ഉച്ചയ്ക്ക് രണ്ടുവരെയാണ് നിലവിൽ ചികിത്സ ലഭ്യമാകുന്നത്. കിടത്തിച്ചികിത്സ ആവശ്യമുള്ളവർ കിലോമീറ്റർ യാത്രചെയ്ത് തലയാട്, തച്ചൻകുന്ന്, പനായി എന്നിവിടങ്ങളിലെ ആശുപത്രികളെ ആശ്രയിക്കുകയാണ് പതിവ്. ആശുപത്രിയിൽ പഞ്ചകർമ, സ്പോർട്സ് ആയുർവേദ, നേത്രവിഭാഗം എന്നിവ തുടങ്ങണമെന്നും നാട്ടുകാർ ആവശ്യപ്പെടുന്നു.