കോഴിക്കോട്: പ്രസവത്തിന് ശേഷം രക്തസ്രാവം ഉണ്ടായതിനെ തുടര്‍ന്ന് യുവതി മരിച്ചു. പൂനൂര്‍ സ്വദേശിനി മടത്തുംപൊയില്‍ ഷാഫിയുടെ ഭാര്യ അടിവാരം ചെമ്പലങ്കോട് ജഫ്‌ലയാണ് ഇന്ന് പുലര്‍ച്ചെ കോഴിക്കോട്ടെ സ്വകാര്യ ആശുപത്രിയില്‍ മരിച്ചത്. ജഫ്‌ല പ്രസവിച്ച കുഞ്ഞിനെ വെന്റിലേറ്ററില്‍ പ്രവേശിപ്പിച്ചിരിക്കുകയാണ്.

കഴിഞ്ഞ ദിവസമാണ് പ്രസവത്തിനായി ജഫ്‌ലയെ പൂനൂരിലെ ആശുപത്രിയില്‍ പ്രവേശിപ്പിച്ചത്. പിന്നീട് രക്തസ്രാവം ഉണ്ടായതിനെ തുടര്‍ന്ന് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.

ഒന്നര വര്‍ഷം മുമ്പായിരുന്നു ഷാഫിയുടെയും ജഫ്‌ലയുടെയും വിവാഹം. ചെമ്പലങ്കോട് ജാഫറിന്റെയും ജനീഷയുടെയും മകളാണ്. ജഫ്‌ന സഹോദരിയാണ്.

മൃതദേഹം നടപടിക്രമങ്ങള്‍ക്ക് ശേഷം ബന്ധുക്കള്‍ക്ക് വിട്ടുനല്‍കും.