കാറില്‍ തട്ടി റോഡിലേക്ക് തെറിച്ചുവീണു, പിന്നാലെ കെ.എസ്.ആര്‍.ടി.സി ശരീരത്തിലൂടെ കയറി ഇറങ്ങി; കൈതക്കലിലെ വാഹനാപകടത്തില്‍ മരിച്ച ഫനീഫയുടെ അപ്രതീക്ഷിത വിയോഗത്തിന്റെ ഞെട്ടലില്‍ നാട്ടുകാരും ബന്ധുക്കളും
പേരാമ്പ്ര: ഫനീഫയുടെ അപ്രതീക്ഷിത വിയോഗത്തിന്റെ ഞെട്ടലില്‍ നാട്ടുകാരും ബന്ധുക്കളും. കൈതക്കലില്‍ വച്ചുണ്ടായ വാഹനാപകടത്തിലാണ് സ്‌കൂട്ടര്‍ യാത്രികനായ കൈതക്കല്‍ പുറ്റാട് കോളനിയിലെ ഹനീഫയാണ് മരിച്ചത്. അന്‍പത്തിയാറ് വയസ്സായിരുന്നു.
ഇന്ന് ഉച്ചയോടെയായിരുന്നു അപകടം. കൈതക്കല്‍ പുതിയ ബൈപ്പാസിന് സമീപം വച്ച് മുന്നിലുണ്ടായിരുന്ന കാര്‍ ബ്രേക്ക് ചവിട്ടിയതിനെത്തുടര്‍ന്ന് സ്‌കൂട്ടര്‍ കാറില്‍ തട്ടി റോഡിലേക്ക് തെറിച്ചു വീണ ഹനീഫ കെ.എസ്.ആര്‍.ടി.സി ബസിനടിയില്‍െപ്പടുകയായിരുന്നു. ഉടന്‍ തന്നെ പേരാമ്പ്ര താലൂക്കാശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചിരുന്നു. പോസ്റ്റ്‌മോര്‍ട്ടത്തിന് ശേഷം മൃതശരീരം നാളെ ഖബറടക്കും.
ഭാര്യമാര്‍: നബീസ, നൂര്‍ ജഹാന്‍. മക്കള്‍: മുഹമ്മദ് റഫീക്ക്, മുഹമ്മദ് ഷാഫി, റജീന, ഷിഫാന. മരുമക്കള്‍: ഹഫ്‌സാന (താമരശ്ശേരി), തസ്‌നി (താമരശ്ശേരി), മുജീബ് (താമരശ്ശേരി), ഷഫീക്ക് (തൃശൂര്‍).