കൊയിലാണ്ടി: ഓണത്തോട് അനുബന്ധിച്ച് മുചുകുന്ന് പുനത്തിൽ പറമ്പിൽ നടത്തിയ പൂകൃഷി വിളവെടുത്തു. മൂടാടി ഗ്രാമപഞ്ചായത്ത് പ്രസിഡന്റ് സി.കെ.ശ്രീകുമാർ വിളവെടുപ്പ് ഉദ്ഘാടനം ചെയ്തു.

മൂടാടി ഗ്രാമപഞ്ചായത്ത് ജനകീയാസൂത്രണ പദ്ധതിയുടെ ഭാഗമായാണ് പൂവിളി പൂകൃഷി നടത്തിയത്. പത്താം വാർഡിലെ വർണം ഗ്രൂപ്പാണ് മുചുകുന്ന് കോട്ട-കോവിലകം ദേവസ്വത്തിന്റെ ഉടമസ്ഥതയിലുള്ള പുനത്തിൽ പറമ്പിൽ പൂകൃഷി നടത്തിയത്.

പത്താം വാർഡ് മെമ്പർ എം.പി.അഖില, കൃഷി ഓഫീസർ ഫൗസിയ, ക്ഷേത്ര ഭാരവാഹികളായ സോമശേഖരൻ, ശ്രീനിവാസൻ, അശോകൻ യു, രാമചന്ദ്രൻ മങ്കൂട്ടിൽ, വർണം ഗ്രൂപ്പ് കൺവീനർ സുനിത എം.പി, റീജ മന്ദത്ത് എന്നിവർ പങ്കെടുത്തു.