കെ.ജി.ജോര്‍ജ് കൊയിലാണ്ടിയിലെ സിനിമാ സ്‌നേഹികളുടെ ആരാധനയും ആദരവും ഏറ്റുവാങ്ങിയപ്പോള്‍; 2014ല്‍ ബൈജു എംപീസ് പകര്‍ത്തിയ ചിത്രങ്ങള്‍ കാണാം
കൊയിലാണ്ടി: കൊയിലാണ്ടിയിലെ സിനിമാ പ്രേമികളെ സംബന്ധിച്ച് ഏറെ പ്രിയപ്പെട്ട നിമിഷങ്ങളിലൊന്നായിരുന്നു കെ.ജി.ജോര്‍ജ് 2014ല്‍ കൊയിലാണ്ടിയിലെത്തിയ അവസരം. കൊയിലാണ്ടിയിലെ സാംസ്‌കാരിക സംഘടനയായ ആദി ഫൗണ്ടേഷനും നഗരസഭയും അക്കാദമിയും സംയുക്തമായി നടത്തിയ മൂന്നുദിവസം നീണ്ട ഫിലിം ഫെസ്റ്റിവെല്‍ ഉദ്ഘാടനം ചെയ്യാനായിരുന്നു അദ്ദേഹം എത്തിയത്.
ചടങ്ങില്‍ ആദി ഫൗണ്ടേഷന്‍ ഏര്‍പ്പെടുത്തിയ സിനിമാ രംഗത്തെ സമഗ്ര സംഭാവനയ്ക്കുള്ള പുരസ്‌കാരം ഗുരു ചേമഞ്ചേരി കുഞ്ഞിരാമന്‍ നായരില്‍ നിന്നും അദ്ദേഹം ഏറ്റുവാങ്ങുകയും ചെയ്തു.
മുന്‍ എം.എല്‍.എ കെ.ദാസന്‍, നഗരസഭാ അധ്യക്ഷ കെ.ശാന്ത, ജോണ്‍പോള്‍, കല്പറ്റ നാരായണന്‍, ചെലവൂര്‍ വേണു, ജോയ് മാത്യു, കെ.മോഹനന്‍, ഡോ.സി.എസ്.വെങ്കിടേശ്വരന്‍, കെ.ബി വേണു, സുദേവന്‍ തുടങ്ങിയവരും ചടങ്ങില്‍ പങ്കാളിയായിരുന്നു.
