കൊയിലാണ്ടി: കൊയിലാണ്ടി ജവഹർ ബിൽഡിങ്ങിൽ പട്ടാപ്പകൾ മോഷണം. നടേലക്കണ്ടി റോഡിലെ ബിൽഡിങ്ങിൽ പ്രവർത്തിക്കുന്ന യു.കെ ഡെൻ്റൽ ക്ലിനിക്കിൻ്റെ ഉടമസ്ഥതയിലുള്ള പമ്പ് സെറ്റാണ് സ്കൂട്ടിയിലെത്തി യുവാവ് മോഷ്ടിച്ച് കടന്നത്. ഇന്ന് ഉച്ചയ്ക്ക് രണ്ട് മണിക്കാണ് സംഭവം.

ബിൽഡിങ്ങിൻ്റെ പിറകിലുള്ള കിണറിനോട് ചേർന്നാണ് പമ്പ് സെറ്റ് സ്ഥാപിച്ചിരുന്നത്. ഇത് കട്ടർ ഉപയോഗിച്ച് മോഷ്ടാവ് മുറിച്ചെടുക്കുയായിരുന്നു. സമീപത്തെ സ്ഥാപനത്തിലെ ആളുകളെ കണ്ടപ്പോൾ നന്നാക്കാൻ കൊണ്ടുപോകുകയാണെന്ന് പറഞ്ഞ് യുവാവ് കടന്നുകളയുകയായിരുന്നു.

മോഷണത്തിന്റെ സിസിടിവ ദൃശ്യങ്ങൾ പുറത്തുവന്നിട്ടുണ്ട്. പ്രതിയെ തിരിച്ചറിഞ്ഞിട്ടില്ലെന്നും സിസിടിവി ദൃശ്യങ്ങൾ പരിശോധിക്കുകയാണെന്നും പോലീസ് കൊയിലാണ്ടി ന്യൂസ് ഡോട് കോമിനോട് പറഞ്ഞു.

Summary: theft at Koyilndy