കോഴിക്കോട്: മെഡിക്കല്‍ കോളേജിലെ അത്യാഹിത വിഭാഗം ഇന്ന് മുതല്‍ പുതിയ പി.എം.എസ്.എസ്.വൈ ബ്ലോക്കിലേക്ക് മാറി. അപകടം പറ്റിയവരെ കൊണ്ടുപോവുമ്പോള്‍ പഴയ കാഷ്വാലിറ്റി ബ്ലോക്കിലേക്ക് കയറ്റാതെ നേരെ മെഡിക്കല്‍ കോളേജ് പോലീസ് സ്റ്റേഷനും മാതൃശിശു ആശുപത്രിയും കടന്ന് കാരന്തൂര്‍ റോഡില്‍ ചെസ്റ്റ് ആശുപത്രി എത്തുന്നതിനു മുമ്പ് ഇടത് ഭാഗത്ത് കാണുന്ന പുതിയ പി.എം.എസ്.എസ്.വൈ ബ്ലോക്കിന്റെ ഗേറ്റിലൂടെ പ്രവേശിച്ച് അത്യാഹിത വിഭാഗത്തില്‍ എത്തിക്കുക.

അത്യാഹിത വിഭാഗ സേവനങ്ങള്‍, അഞ്ച് ഓപ്പറേഷന്‍ തീയറ്ററുകള്‍, അനുബന്ധ ഐസിയുകള്‍ എന്നിവയാണ് പുതിയ ബ്ലോക്കിലേക്ക് മാറ്റിയത്.