മുത്താമ്പി പുഴയില്‍ ഒരാള്‍ വീണതായി സംശയം; പ്രദേശത്ത് ഫയര്‍ഫോഴ്‌സിന്റെ നേതൃത്വത്തില്‍ തിരച്ചില്‍ തുടരുന്നു
കൊയിലാണ്ടി: മുത്താമ്പി പുഴയില്‍ ഒരാള്‍ വീണതായി സംശയത്തെ തുടര്‍ന്ന് അഗ്നിരക്ഷാസേനയുടെ നേതൃത്വത്തില്‍ നടത്തുന്ന തിരച്ചില്‍ പുരോഗമിക്കുന്നു. ഇന്ന് വൈകീട്ടോടെ പുഴക്കരയില്‍ നിന്നും മീന്‍ പിടിക്കുകയായിരുന്നവര്‍ പുഴയില്‍ ചെരിപ്പും ഒരാളുടെ കയ്യും കണ്ടതായി പോലീസിനെ വിവരം അറിയിക്കുകയായിരുന്നു.
തുടര്‍ന്ന് കൊയിലാണ്ടി പൊലീസും ഫയര്‍ഫോഴ്സും സ്ഥലത്തെത്തി തിരച്ചില്‍ ആരംഭിച്ചു. ഇതുവരെയും ആരെയും കണ്ടെത്തിയിട്ടില്ലെന്ന് അഗ്നിരക്ഷാസേന ഉദ്യോഗസ്ഥന്‍ കൊയിലാണ്ടി ന്യൂസ് ഡോട് കോമിനോട് പറഞ്ഞു. രാത്രി 8 മണിയോടെ തിരച്ചില്‍ അവസാനിപ്പിക്കും. തുടര്‍ന്ന് നാളെ അതിരാവിലെയോടെ വീണ്ടും തിരച്ചില്‍ ആരംഭിക്കും.
എ.എസ്.ടി.ഓ മജീദിന്റെ നേതൃത്വത്തില്‍ എഫ്.ആര്‍.ഓ ഷിജിത്ത്, ജിനീഷ് കുമാര്‍, സനല്‍രാജ്, നിതിന്‍രാജ്, സുജിത്ത്, ഹോംഗാര്‍ഡ്മാരായ അനില്‍കുമാര്‍, ബാലന്‍ എന്നിവരാണ് തിരച്ചിലിന് നേതൃത്വം നല്‍കുന്നത്.