റേഷന്‍ കടകളില്‍ പോകാന്‍ നില്‍ക്കുന്നവരാണോ?; സംസ്ഥാനത്ത് റേഷന്‍ വിതരണം തടസ്സപ്പെട്ടു; ഇ പോസ് മെഷീന്‍ തകരാറില്‍
കോഴിക്കോട്: ഇന്ന് രാവിലെ മുതല്‍ സംസ്ഥാനത്ത് റേഷന്‍ വിതരണം തടസ്സപ്പെട്ടു. ഇ പോസ് മെഷീന്‍ തകരാറിലായതാണ് റേഷന്‍ വിതരണം നിലയ്ക്കുവാന്‍ കാരണം.
നിലവില്‍ ആധാര്‍ ഓതന്റിഫിക്കേഷനും ഒ.ടി.പിയും ലഭിക്കാത്ത സാഹചര്യമാണുളളത്. ഇതോടെ റേഷന്‍ വ്യാപാരികളും ഉപഭോക്താക്കളും വലിയ ബുദ്ധിമുട്ടാണ് നേരിട്ടത്.
റേഷന്‍ കടകളില്‍ എത്തിയവരെല്ലാം തന്നെ ഏറെ നേരത്തെ കാത്തിരുന്നെങ്കിലും തിരിച്ചു മടങ്ങേണ്ട സാഹചര്യമാണുണ്ടായത്.
കഴിഞ്ഞ കുറേ ദിവസങ്ങളായി ഇതേ പ്രശ്‌നം നിലനില്‍ക്കുന്നുണ്ടെന്ന് റേഷന്‍ വ്യാപാരികള്‍ പറയുന്നു.