കതിരൂർ കൂർമ്പക്കാവ് ഉത്സവ താലപ്പൊലി ഘോഷയാത്രക്കിടെയുള്ള കലശം വരവിലാണ് പാട്യം നഗറിലെ സി.പി.ഐ.എം അനുഭാവികൾ പി.ജയരാജന്റെ ചിത്രം കൂടി ഉൾപ്പെടുത്തിയത്. വ്യക്തി ആരാധന വിവാദത്തിൽ പെട്ട് മുന്‍പും പാർട്ടിയിൽ വലിയ പ്രതിസന്ധി നേരിട്ട് താക്കീതും മറ്റു നടപടികളുമൊക്കെ അഭിമുഖീകരിക്കേണ്ടി വന്ന നേതാവാണ് പി.ജയരാജന്‍.

ഇതിന് പിന്നാലെയുണ്ടായ ഇപ്പോഴത്തെ കലശം വരവ് വിവാദത്തില്‍ സി.പി.ഐ.എം. കണ്ണൂർ ജില്ലാ സെക്രട്ടറി എം.വി. ജയരാജൻ പാർട്ടിയുടെ നിലപാട് വ്യക്തമാക്കിയത് വിശ്വാസവും രാഷ്ട്രീയവും കൂട്ടിക്കലർത്തേണ്ടതില്ല എന്ന് പറഞ്ഞുകൊണ്ടാണ്. പി.ജയരാജനെ പേരെടുത്ത് പരാമര്‍ശിക്കാതെ ഇത്തരമൊരു കാര്യത്തില്‍ നേതാക്കളുടെ ചിത്രങ്ങളൊക്കെ വരുന്നത് ഉചിതമല്ലെന്നും എം.വി.ജയരാജൻ വിശദീകരിച്ചു.