ലീഡേഴ്‌സ് മീറ്റും വിനോദയാത്രയും; അകലാപ്പുഴ ഹൗസ് ബോട്ടില്‍ ഒത്തുചേര്‍ന്ന് ജനശ്രീ സുസ്ഥിര വികസന മിഷന്‍ കൊയിലാണ്ടി സൗത്ത് – നോര്‍ത്ത് അംഗങ്ങള്‍
കൊയിലാണ്ടി: ലീഡേഴ്‌സ് മീറ്റും വിനോദയാത്രയും സംഘടിപ്പിച്ച് ജനശ്രീ സുസ്ഥിര വികസന മിഷന്‍ കൊയിലാണ്ടി സൗത്ത് – നോര്‍ത്ത്. അകലാപ്പുഴ ഹൗസ് ബോട്ടില്‍ സംഘടിപ്പിച്ച ചടങ്ങ് ജനശ്രീ കോഴിക്കോട് ജില്ല ചെയര്‍മാന്‍ എന്‍.സുബ്രമണ്യന്‍ ഫ്‌ലാഗ് ഓഫ് ചെയ്തു.
ജനശ്രീ നോര്‍ത്ത് ചെയര്‍മാന്‍ അന്‍സാര്‍ കൊല്ലം സ്വാഗതവും സൗത്ത് ചെയര്‍മാന്‍ സി. സുന്ദരന്‍ അധ്യക്ഷനുമായി. വി.വി.സുധാകരന്‍ ആമുഖ പ്രഭാഷണവും ജനശ്രീ സംസ്ഥാന സമിതി അംഗം കെ.പി ജീവാനന്ദന്‍, ജനശ്രീ ജില്ല അംഗം വി.കണാരന്‍ സംഘടന ക്ലാസ്സും നിര്‍വഹിച്ചു.
പി.രത്‌നവല്ലി, അഡ്വ.എം. സതീഷ് കുമാര്‍, ആലിക്കോയ, മനോജ് പയറ്റുവളപ്പില്‍ എന്നിവര്‍ ആശംസകള്‍ നേര്‍ന്നു സംസാരിച്ചു.
സുകുമാരന്‍ ശ്രീ ഗണേഷ് ജനശ്രീ, സഫിയ ഹരിത ജനശ്രീ, ഷൈജ ശ്രേയസ്സ് ജനശ്രീ തുടങ്ങിയവര്‍ സംഘടന ചര്‍ച്ചയില്‍ സംസാരിച്ചു. കൗണ്‍സിലര്‍ ടി.പി ശൈലജ, ജനറ്റ് പാത്താരി, നിഷ പയറ്റുവളപ്പില്‍ നേതൃത്വം നല്‍കി. തുടര്‍ന്ന് ജനശ്രീ അംഗങ്ങളുടെ കലാപരിപാടികള്‍ അരങ്ങേറി.