മുട്ടക്കോഴികുഞ്ഞ് വിതരണം ചെയ്ത് കൊയിലാണ്ടി നഗരസഭ
കൊയിലാണ്ടി: മുട്ടക്കോഴികുഞ്ഞ് വിതരണം നടത്തി കൊയിലാണ്ടി നഗരസഭ. 2023-24 സാമ്പത്തിക വര്‍ഷത്തെ പദ്ധതിയില്‍ ഉള്‍പ്പെടുത്തിയാണ് കോഴിക്കുഞ്ഞുങ്ങളെ വിതരണം ചെയ്തത്. വിതരണ ഉദ്ഘാടനം കൊയിലാണ്ടി നഗര സഭാ ചെയര്‍പേഴ്‌സണ്‍ സുധ കിഴക്കെപ്പാട്ട് നിര്‍വ്വഹിച്ചു.
ഇന്ദിര ടീച്ചര്‍ അദ്ധ്യക്ഷം വഹിച്ച യോഗത്തിന് വാര്‍ഡ് കൗണ്‍സിലര്‍ അസീസ് മാസ്റ്റര്‍ സ്വാഗതം പറഞ്ഞു. കൊയിലാണ്ടി വെറ്റിനറി ഹോസ്പിറ്റല്‍ സീനിയര്‍ വെറ്റിനറി സര്‍ജന്‍ ഡോക്ടര്‍ ഗീത. വി. പദ്ധതി വിശദീകരിച്ചു സംസാരിച്ചു.
ചടങ്ങില്‍ കൗണ്‍സിലര്‍മാരായ അസീസ് മാസ്റ്റര്‍, രാജീവന്‍, പ്രമോദ്, ഇബ്രാഹിംകുട്ടി, അസിസ്റ്റന്റ് ഫീല്‍ഡ് ഓഫീസര്‍ റെജി, ലൈവ്‌സ്റ്റോക്ക് ഇന്‍സ്‌പെക്ടര്‍ നിധീഷ്, റിട്ടയേഡ് അസിസ്റ്റന്റ് ഫീല്‍ഡ് ഓഫീസര്‍ മോഹനന്‍ എന്നിവര്‍ സംസാരിച്ചു.