കോഴിക്കോട് : കോവൂരിൽ ഓടയിൽ വീണയാളുടെ മൃതദേഹം കണ്ടെത്തി. മരിച്ചത് കളത്തിൽ പൊയിൽ ശശിയാണെന്ന് കണ്ടെത്തി. ഇന്നലെ രാത്രി ഇയാൾ കാൽവഴുതി ഓടയിൽ വീണത് പത്തു മണിക്കൂർ നീണ്ട തെരച്ചിലിനൊടുവിലാണ് മൃതദേഹം കണ്ടെത്തിയത്. കനാലിൽ റോഡരികിലായിട്ടായിരുന്നു മൃതദേഹം രാവിലെ കണ്ടെത്തിയത്

ഇന്നലെ രാത്രി എട്ടരയോടെ കോവൂർ എംഎൽഎ റോഡിൽ ബസ് സ്റ്റോപ്പിൽ ഇരിക്കുകയായിരുന്ന ശശി അബദ്ധത്തിൽ കാൽ വഴുതി പാലാഴിയിൽ റോഡിന് സമീപത്തെ ഓടയിൽ വീഴുകയായിരുന്നു രണ്ടാം ദിവസമാണ് ശശിയുടെ മൃതദേഹം കണ്ടെത്തിയത് വീടിന് തൊട്ടടുത്ത് വെച്ചാണ് അപകടം സംഭവിച്ചത്.

ആദ്യം നാട്ടുകാരും പിന്നീട് ബീച്ചിൽ നിന്നുള്ള ഫയർ ഫോഴ്‌സ് യൂണിറ്റും ഓടയിൽ രണ്ടരക്കിലോമീറ്ററോളം ദൂരം തെരച്ചിൽ നടത്തിയിട്ടും ശശിയെ കണ്ടെത്താൻ കഴിഞ്ഞില്ല. പുലർച്ചെ രണ്ടുമണിവരെ തെരച്ചിൽ നടത്തിയിരുന്നു.ഇന്നലെ പെയ്ത ശക്തമായ മഴയിൽ ഓവുചാലിൽ വെള്ളം കുത്തിയൊലിക്കുന്ന നിലയിലായിരുന്നു.