പത്തടിയോളം താഴ്ച്ചയും ധാരാളം വെള്ളവുമുള്ള കിണറ്റില്‍ അബദ്ധത്തില്‍ വീണു; മേപ്പയ്യൂരില്‍ യുവതിയ്ക്ക് രക്ഷകരായെത്തി പേരാമ്പ്ര അഗ്നി രക്ഷാസേന


മേപ്പയ്യൂര്‍: മേപ്പയ്യൂര്‍ പഞ്ചായത്ത് ആറാം വാര്‍ഡായ ചങ്ങരംവെള്ളിയില്‍ കിണറ്റില്‍ വീണ യുവതിയെ രക്ഷിച്ചു. പട്ടോറക്കല്‍ ഹൗസില്‍ അഡ്വ. അബ്ദുള്‍ ജലീലിന്റെ ഭാര്യ സീനത്ത് (40) ആണ് കിണറ്റില്‍ വീണത്. ഇന്ന് രാവിലെ ഒന്‍പത് മണിയോടെയാണ് സംഭവം.

പത്ത് മീറ്റര്‍ താഴ്ച്ചയും ധാരാളം വെള്ളവുമുള്ള വീട്ടുമുറ്റത്തെ കിണറ്റില്‍ അബദ്ധത്തില്‍ വീഴുകയായിരുന്നു യുവതി. വിവരമറിയിച്ചതിനെത്തുടര്‍ന്ന് പേരാമ്പ്രയില്‍ നിന്നും അഗ്രി രക്ഷാ സേനയെത്തി യുവതിയെ രക്ഷപ്പെടുത്തുകയും തുടര്‍ന്ന് ആശുപത്രിയില്‍ എത്തിക്കുകയുമായിരുന്നു.

അയല്‍വായിയായ ശിവന്‍ കിണറ്റിലിറങ്ങി യുവതിയെ പിടിച്ചു നിന്നതിനാല്‍ രക്ഷാ പ്രവര്‍ത്തനം കൂടുതല്‍ എളുപ്പത്തിലായി.

സ്റ്റേഷന്‍ ഓഫീസര്‍ സി.പി ഗിരീശന്റെ നേതൃത്വത്തില്‍ എസ്.എഫ്.ആര്‍.ഒ ഐ ഉണ്ണികൃഷ്ണന്‍, എഫ്.ആര്‍.ഒമാരായ കെ ശ്രീകാന്ത്, സാരംഗ്, രതീഷ് കെ.എന്‍, ഷൈജു വി.കെ, സ്മിതേഷ് സി.കെ, ധീരജ്, ഹോംഗാര്‍ഡ് ബാലകൃഷ്ണന്‍ എന്നിവര്‍ രക്ഷാ പ്രവര്‍ത്തനത്തില്‍ പങ്കെടുത്തു.

summary: a woman fell into a well in Meppayur