കൊയിലാണ്ടി: സ്വർണ്ണക്കടത്തുമായി ബന്ധപ്പെട്ട് സംസ്ഥാന വ്യാപകമായി സമരം നടത്തിയ കോൺഗ്രസ് പ്രവർത്തകരെ തല്ലിച്ചതയ്ക്കുകയും കെ.പി.സി.സി ഓഫീസ് ഉൾപ്പെടെയുള്ള പാർട്ടി സ്ഥാപനങ്ങൾ ആക്രമിക്കുകയും ചെയ്തതിൽ പ്രതിഷേധിച്ച് കൊയിലാണ്ടിയിൽ കോൺഗ്രസ് കരിദിനം ആചരിച്ചു. കറുത്ത തുണി കൊണ്ട് വായ മൂടിക്കെട്ടിക്കൊണ്ട് പ്രവർത്തകർ ടൗണിൽ പ്രകടനം നടത്തി.

ഡി.സി.സി ജനറൽ സെക്രട്ടറി മഠത്തിൽ നാണു മാസ്റ്റർ ഉദ്ഘാടനം ചെയ്തു. ബ്ലോക്ക് പ്രസിഡന്റ് വി.വി.സുധാകരൻ അധ്യക്ഷനായി. സി.വി.ബാലകൃഷ്ണൻ, രത്നവല്ലി ടീച്ചർ, കെ.പി.വിനോദ് കുമാർ, അഡ്വ. പി.ടി.ഉമേന്ദ്രൻ, അഡ്വ. കെ.പി.നിഷാദ്, മുരളി തോറോത്ത്, നടേരി ഭാസ്ക്കരൻ, കെ.വി.റീന, രജീഷ് വെങ്ങളത്ത് കണ്ടി, റാഷിദ് മുത്തമ്പി, പി.കെ.പുരുഷോത്തമൻ, ഗോപി ചെറുവോട്ട് എന്നിവർ സംസാരിച്ചു.