ചേമഞ്ചേരി: നീണ്ട നാളുകളായുള്ള യാത്രക്കാരുടെ ആവശ്യങ്ങൾ അം​ഗീകരിച്ച് റെയിൽവേ. കോവിഡിനെത്തുടർന്ന് നിർത്തലാക്കിയ ട്രെയിനുകൾ ഒക്ടോബർ 10 മുതൽ ചേമഞ്ചേരി റെയിൽവേ സ്റ്റേഷനിലും നിർത്തും. കണ്ണൂരിലേക്കും കോഴിക്കോടേക്കുമായി ഏഴ് ട്രെയിനുകൾക്കാണ് സ്റ്റേഷനിൽ വീണ്ടും സ്റ്റോപ്പനുവദിച്ചത്.

കോഴിക്കോട് ഭാ​ഗത്തേക്ക് കോഴിക്കോട്-കണ്ണൂർ (06481), കണ്ണൂർ-ഷൊർണൂർ മെമു, കണ്ണൂർ-കോഴിക്കോട് മെമു, കണ്ണൂർ-കോയമ്പത്തൂർ (16607) എന്നിവയും കണ്ണൂർ ഭാ​ഗത്തേക്ക് കോയമ്പത്തൂർ-കണ്ണൂർ (നമ്പർ 16608), തൃശ്ശൂർ-കണ്ണൂർ (16609), , മംഗളൂരു-കോഴിക്കോട് (16610), എന്നീ വണ്ടികളാണ് നിർത്തുക.

ചേ​മ​ഞ്ചേ​രി, ചെ​ങ്ങോ​ട്ടു​കാ​വ്, അ​ത്തോ​ളി, ഉ​ള്ള്യേ​രി പ​ഞ്ചാ​യ​ത്തു​ക​ളി​ലെ നി​ര​വ​ധി യാ​ത്ര​ക്കാ​ർ ആ​ശ്ര​യി​ക്കു​ന്ന സ്റ്റേ​ഷ​നാ​ണി​ത്. സീ​സ​ൺ ടി​ക്ക​റ്റ് യാ​ത്ര​ക്കാ​ർ ഏ​റെ​യു​ണ്ട് ഇ​വി​ടെ. വി​ദ്യാ​ർ​ഥി​ക​ൾ​ക്കും ജോലിക്കാരുൾപ്പെടെയുള്ളവർക്കും ഏറെ ആശ്വാസം നൽകുന്നതാണ് റെയിൽവേയുടെ തീരുമാനം.

Summary: The train will stop at Chemanchery railway station from October 10, the details of the trains allowed to stop arr..