Tag: Beverages Outlet
സംസ്ഥാനത്തെ ബീവറേജസ് ഔട്ട്ലെറ്റുകള് ഒക്ടോബര്‍ ഒന്നിനും രണ്ടിനും തുറക്കില്ല
കോഴിക്കോട്: സംസ്ഥാനത്തെ ബീവറേജസ് കോര്‍പ്പറേഷന്റെ മദ്യശാലകള്‍ ഒക്ടോബര്‍ ഒന്ന്, രണ്ട് തിയ്യതികളില്‍ തുറക്കില്ല. അര്‍ധവാര്‍ഷിക കണക്കെടുപ്പും ഗാന്ധിജയന്തിയും പ്രമാണിച്ചാണ് അവധി. കണക്കെടുപ്പിനായി സെപ്റ്റംബര്‍ 30 ന് വൈകീട്ട് ഏഴ് മണിക്ക് അടയ്ക്കുന്ന ബീവറേജസ് ഔട്ട്ലെറ്റുകള് പിന്നെ തുറക്കുക ഒക്ടോബര്‍ മൂന്നിനാണ്. സെപ്റ്റംബര്‍ 30 ന് ഏഴ് മണിക്ക് ആരംഭിക്കുന്ന അര്‍ധവാര്‍ഷിക കണക്കെടുപ്പ് ഒക്ടോബര്‍ ഒന്നിനും തുടരും.
കണ്ണൂരിലെ ബീവറേജസ് ഔട്ട്‌ലെറ്റില്‍ മദ്യക്കുപ്പികള്‍ എടുക്കുന്നതിനിടെ റാക്ക് ജീവനക്കാരന്റെ ദേഹത്തേക്ക് മറിഞ്ഞുവീണു; സി.സി.ടി.വി ദൃശ്യം സമൂഹമാധ്യങ്ങളില്‍ വൈറല്‍ (വീഡിയോ കാണാം)
കണ്ണൂര്‍: ബീവറേജസ് കോര്‍പ്പറേഷന്‍ ഔട്ട്‌ലെറ്റില്‍ മദ്യക്കുപ്പികള്‍ എടുക്കുന്നതിനിടെ റാക്ക് ജീവനക്കാരന്റെ ദേഹത്തേക്ക് മറിഞ്ഞ് വീഴുന്നതിന്റെ സി.സി.ടി.വി ദൃശ്യങ്ങള്‍ വൈറലായി. കണ്ണൂര്‍ ജില്ലയിലെ താവത്തുള്ള ബീവറേജസ് കോര്‍പ്പറേഷന്റെ ഔട്ട്‌ലെറ്റിലാണ് സംഭവം. മദ്യമെടുക്കുന്ന ജീവനക്കാരന്റെയും സമീപമുണ്ടായിരുന്ന മറ്റൊരു ജീവനക്കാരന്റെയും ദേഹത്തേക്കാണ് മദ്യക്കുപ്പികള്‍ വച്ചിരുന്ന റാക്ക് മറിഞ്ഞു വീണത്. കഴിഞ്ഞ ദിവസം നടന്നത് എന്ന തരത്തിലാണ് വീഡിയോ സമൂഹമാധ്യമങ്ങളില്‍ പ്രചരിപ്പിക്കപ്പെടുന്നത്.