കാരയാട് യു.പി സ്‌കൂള്‍ അധ്യാപകനായിരുന്ന വേളം തീക്കുനി സ്വദേശി ടി.അഷ്‌റഫ് അന്തരിച്ചു
വേളം: വാഹനാപകടത്തില്‍ പരിക്കേറ്റ് ചികിത്സയിലായിരുന്ന തീക്കുനി സ്വദേശിയായ അധ്യാപകന്‍ മരിച്ചു. തീക്കുനി പൂമുഖം ടി.അഷ്റഫാണ് (45) മരിച്ചത്. കോഴിക്കോടെ സ്വകാര്യ ആശുപത്രിയില്‍ ചികിത്സയിലിരിക്കെ ഇന്ന് പുലര്‍ച്ചെയാണ് മരണം സംഭവിച്ചത്.
കാരയാട് യു.പി സ്‌കൂളില്‍ അധ്യാപകനായി ജോലി ചെയ്തിരുന്നു. നിലവില്‍ വെള്ളൂര്‍ കോടഞ്ചേരി എല്‍.പി സ്‌കൂള്‍ അറബിക് അധ്യാപകനാണ്. സ്‌കൂള്‍ വിട്ട് വീട്ടിലേക്ക് ബൈക്കില്‍ പോകുന്നതിനിടെ കുന്നുമ്മല്‍ പള്ളിക്ക് സമീപം എതിരെ വന്ന ഗുഡ്സ് ഓട്ടോ ഇടിച്ചായിരുന്നു അപകടം.
മുംതാസാണ് ഭാര്യ. ഷാലു, ആദില്‍ മുഹമ്മദ് എന്നിവര്‍ മക്കളാണ്. കോഴിക്കോട് മെഡിക്കല്‍ കോളേജ് ആശുപത്രിയിലെ പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടു നല്‍കും.