മികച്ച ദുരിതാശ്വാസ പ്രവര്‍ത്തക അവാര്‍ഡ് സ്‌നേഹ ചാത്തമംഗലത്തിന്; അവാര്‍ഡ് സമ്മാനിച്ച് എം.കെ രാഘവന്‍ എം.പി
കൊയിലാണ്ടി: ഇന്‍ഡ്യന്‍ റെഡ്‌ക്രോസ് സൊസൈറ്റിയുടെ മൂന്നാമത് എ.ടി അഷ്‌റഫ് സ്മാരക ജില്ലാ അവാര്‍ഡിന് സ്‌നേഹപ്രഭ ചാത്തമംഗലം അര്‍ഹയായി. കൊയിലാണ്ടി സിവില്‍ സ്റ്റേഷനില്‍ നടന്ന ചടങ്ങില്‍ എം.കെ.രാഘവന്‍ എം.പി സ്‌നേഹപ്രഭയ്ക്ക് അവാര്‍ഡ് സമ്മാനിച്ചു.
ജില്ലയിലെ മികച്ച ദുരന്ത-ദുരിതാശ്വാസ പ്രവര്‍ത്തകര്‍ക്കാണ് എ.ടി അഷ്‌റഫ് സ്മാരക അവാര്‍ഡ് നല്‍കാറുളളത്. അവാര്‍ഡ്ദാന ചടങ്ങില്‍ തഹസില്‍ദാറും താലൂക്ക് റെഡ്‌ക്രോസ് സൊസൈറ്റി പ്രസിഡണ്ടുമായ സി.പി. മണി അധ്യക്ഷത വഹിച്ചു.
റെഡ്‌ക്രോസ് ജില്ലാ ചെയര്‍മാന്‍ സത്യനാഥന്‍ മാടഞ്ചേരി അഷ്‌റഫ് സ്മാരക പ്രഭാഷണം നടത്തി. ജൂറി ചെയര്‍മാന്‍ എം.ജി. ബല്‍രാജ് അവാര്‍ഡ് പ്രഖ്യാപിച്ചു. ജില്ലാ സെകട്ടറി കെ.കെ. ദീപു അനുമോദന പ്രഭാഷണം നടത്തി. നഗരസഭാ കൗണ്‍സിലര്‍ സിന്ധു സുരേഷ് വിവിധ സന്നദ്ധ സംഘടനകള്‍ക്ക് കൈത്താങ്ങ് വിതരണം നടത്തി. കെ.കെ. ഫാറൂഖ് കാഷ് അവാര്‍ഡ് സമര്‍പ്പിച്ചു. എന്‍.വിജയഭാരതി ജേതാവിനെ പൊന്നാട അണിയിച്ചു. താലൂക്ക് ചെയര്‍മാന്‍ കെ.കെ.രാജന്‍ സ്വാഗതവും സെക്രട്ടറി ആര്‍.സി. ബിജിത്ത് നന്ദിയും പറഞ്ഞു