പേരാമ്പ്ര: പേരാമ്പ്ര ജനതയുടെ സ്വീകരണമേറ്റുവാങ്ങാൻ കെ കെ ശെെലജ ടീച്ചർ ഇന്ന് പേരാമ്പ്രയിൽ എത്തുന്നു. എൽഡിഎഫ് പേരാമ്പ്ര നിയോജക മണ്ഡലം കമ്മിറ്റിയുടെ നേതൃത്വത്തിലാണ് വടകര പാർലിമെൻ്റ് മണ്ഡലം എൽഡിഎഫ് സ്ഥാനാർത്ഥി കെകെ ശൈലജയുടെ തിരഞ്ഞെടുപ്പ് പ്രചരണാർത്ഥം റോഡ് ഷോ സംഘടിപ്പിക്കുന്നത്. വെെകീട്ട് 4.30 ന് പേരാമ്പ്ര റെസ്റ്റ്ഹൗസ്‌
പരിസരത്ത് നിന്ന് ആരംഭിക്കുന് റോഡ് ഷോ ചെമ്പ്ര റോഡ് മെെതാനിയിൽ അവസാനിക്കും. തുറന്ന വാഹനത്തിൽ ശെെലജ ടീച്ചർ ജനങ്ങളുടെ അഭിവാദ്യം സ്വീകരിക്കും.

റോഡ് ഷോയിൽ ടി പി രാമകൃഷ്ണൻ എം.എൽ.എ, മുൻ എം.എൽ.എമാരായ എ കെ പത്ഭനാഭൻ, എം കെ രാധ, കെ കുഞ്ഞമ്മ്ദ്, മുന്നണി നേതാക്കൾ തുടങ്ങിയവർ പങ്കെടുക്കും. ശെെലജ ടീച്ചറെ നേരിൽ കാണാനും പിന്തുണ അറിയിക്കാനുമായി ആയിരങ്ങൾ പേരാമ്പ്ര ന​ഗരത്തിൽ എത്തും.

എൽഡിഎഫിന്റെ സിറ്റിം​ഗ് സീറ്റായ വടകര മണ്ഡലം 2009 ൽ യുഡിഎഫ് സ്ഥാനാർത്ഥി മുല്ലപ്പള്ളി രാമചന്ദ്രനാണ് പിടിച്ചെടുത്തത്. തുടർന്ന് 15 വർഷത്തോളം അവരുടെ കെെകളിലായി. വിട്ടുപോയ മണ്ഡലത്തെ ശക്തമായ സ്ഥാനാർത്ഥിയെ ഇറക്കി തിരികെ പിടിക്കാൻ മികച്ച പ്രചരണമാണ് എൽഡിഎഫ് നടത്തുന്നത്.

പ്രചരണത്തിന്റെ ങഭാ​ഗമായി വിവിധ ഇടങ്ങളിൽ റോഡ് ഷോ നടന്നു. മേപ്പയൂർ പഞ്ചായത്തിലെ നെടുംപൊയിൽ കോളനി എത്തി കുട്ടികളുമായി ടീച്ചർ സൗഹൃദ സംഭാഷണം നടത്തി.