കോഴിക്കോട്: ജില്ലാ ഭരണകൂടത്തിൽ നിന്നുള്ള ഇന്നത്തെ അറിയിപ്പുകൾ വായിക്കാം.

ഫയല്‍ തീര്‍പ്പാക്കല്‍ അദാലത്ത്

ഗതാഗത വകുപ്പ് മന്ത്രിയുടെ നേതൃത്വത്തില്‍ മോട്ടോര്‍ വാഹന വകുപ്പില്‍ നടന്നുവരുന്ന ഫയല്‍ തീര്‍പ്പാക്കല്‍ ‘അദാലത്ത് വാഹനീയം 2022’ പരിപാടിയുടെ ഭാഗമായി ജില്ലയിലെ അദാലത്ത് ഓഗസ്റ്റ് 12 ന് നടക്കും. കോഴിക്കോട് ടൗണ്‍ ഹാളില്‍ രാവിലെ 9 മുതല്‍ വൈകിട്ട് 5 വരെയാണ് അദാലത്ത്. കൂടുതല്‍ വിവരങ്ങള്‍ക്ക് കോഴിക്കോട്- 0495 2371705, കൊടുവള്ളി- 0495 2210280.

റീ- ടെണ്ടര്‍ ക്ഷണിച്ചു

കുന്ദമംഗലം ഐ.സി.ഡി.എസ് പ്രൊജക്റ്റ് ഓഫീസില്‍ 22-23 വര്‍ഷത്തില്‍ വാഹനം (ജീപ്പ്, കാര്‍) കരാര്‍ അടിസ്ഥാനത്തില്‍ വാടകയ്ക്ക് എടുക്കുന്നതിന് റീ ടെണ്ടര്‍ ക്ഷണിച്ചു. ടെണ്ടറുകള്‍ സ്വീകരിക്കുന്ന അവസാന തീയ്യതി ഓഗസ്റ്റ് 9 ന് മൂന്ന് മണിവരെ. കൂടുതല്‍ വിവരങ്ങള്‍ക്ക്: 7558947159.

അപേക്ഷ ക്ഷണിച്ചു

ചേളന്നൂര്‍ ബ്ലോക്ക് പഞ്ചായത്തിനു കീഴിലുള്ള ഐ.സി.ഡി.എസ് ചേളന്നൂര്‍ പ്രോജക്ടിലെ തലക്കുളത്തൂര്‍, കാക്കൂര്‍, നന്മണ്ട, നരിക്കുനി, ചേളന്നൂര്‍, കക്കോടി എന്നീ പഞ്ചായത്തുകളിലേക്ക് അങ്കണവാടി ഹെല്‍പ്പര്‍മാരുടെ അപേക്ഷ ക്ഷണിച്ചു. അവസാന തിയ്യതി ആഗസ്റ്റ് 27. കൂടുതല്‍ വിവരങ്ങള്‍ക്ക്- 0495 2261560.

വികസനസമിതി യോഗം

കോഴിക്കോട് താലൂക്ക് വികസനസമിതി യോഗം ആഗസ്റ്റ് 6ന് രാവിലെ 11 മണിക്ക് താലൂക്ക് കോണ്‍ഫറന്‍സ് ഹാളില്‍ ചേരും. ബന്ധപ്പെട്ട എല്ലാ ഉദ്യാഗസ്ഥരും ജനപ്രതിനിധികളും പങ്കെടുക്കണമെന്ന് താലൂക്ക് വികസന സമിതി കണ്‍വീനര്‍ ആന്‍ഡ് തഹസില്‍ദാര്‍ അറിയിച്ചു.

ഇ- ടെണ്ടര്‍ ക്ഷണിച്ചു

ആഗസ്റ്റ് 18 മുതല്‍ സെപ്റ്റംബര്‍ 17 വരെ കോഴിക്കോട് കോര്‍പ്പറേഷന്‍ ഇ.എം.എസ് സ്റ്റേഡിയം കോമ്പൗണ്ടില്‍ നടത്തുന്ന ഓണം കൈത്തറി മേളയ്ക്കുള്ള പവലിയന്‍ നിര്‍മ്മിക്കുന്നതിനായി ഇ- ടെണ്ടര്‍ ക്ഷണിച്ചു. സര്‍ക്കാര്‍ കൈത്തറി വസ്ത്ര ഡയറക്ടറേറ്റിന്റെയും ജില്ലാവ്യവസായ കേന്ദ്രത്തിന്റെയും ജില്ലാ കൈത്തറി വികസന സമിതിയുടെയും സംയുക്താഭിമുഖ്യത്തിലാണ് കൈത്തറി മേള. കൂടുതല്‍ വിവരങ്ങള്‍ക്ക് -0495-2765770/2766563.

തീയതി ദീര്‍ഘിപ്പിച്ചു

കേരളാ ആട്ടോമൊബൈല്‍ വര്‍ക്ക്ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗങ്ങളായ തൊഴിലാളികള്‍ക്ക് കുടിശ്ശിക അടയ്ക്കുന്നതിനുളള കാലാവധി 2022 സെപ്റ്റംബര്‍ 30 വരെ ദീര്‍ഘിപ്പിച്ചതായി ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

ലിഫ്റ്റ് ടെക്നോളജി കോഴ്സിലേക്ക് അപേക്ഷ ക്ഷണിച്ചു

കോഴിക്കോട് ഗവ.ഐ.ടി.ഐ ഐ.എം.സി സൊസൈറ്റിയുടെ ആഭിമുഖ്യത്തില്‍ നടത്തുന്ന ലിഫ്റ്റ് ടെക്നോളജി കോഴ്സിലേക്ക് അപേക്ഷ ക്ഷണിച്ചു. താല്‍പര്യമുള്ളവര്‍ ഐ.ടി.ഐ ഐ.എം.സി ഓഫീസുമായി ബന്ധപ്പെടുക. കൂടുതല്‍ വിവരങ്ങള്‍ക്ക്- 8129412079, 8891668804.

പ്രവാസികള്‍ക്കായി റിട്ടേണ്‍ വായ്പാ പദ്ധതി

സര്‍ക്കാരിന്റെ എന്‍.ഡി.പി.ആര്‍.ഇ.എം പദ്ധതിയില്‍ ഉള്‍പ്പെടുത്തി സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ ഒ.ബി.സി / മതന്യൂനപക്ഷ വിഭാഗത്തില്‍ ഉള്‍പ്പെട്ട വിദേശത്ത് നിന്നും മടങ്ങി വന്ന പ്രവാസികള്‍ക്ക് സ്വയംതൊഴില്‍ സംരംഭങ്ങള്‍ ആരംഭിക്കുന്നതിന് നടപ്പിലാക്കുന്ന റിട്ടേണ്‍ വായ്പാ പദ്ധതി പ്രകാരം അപേക്ഷ ക്ഷണിച്ചു. പരമാവധി 20 ലക്ഷം രൂപ വരെ വായ്പയായി അനുവദിക്കും. 6 ശതമാനം മുതല്‍ 8 വരെ പലിശ നിരക്കിലാണ് വായ്പ അനുവദിക്കുന്നത്. പ്രവാസികള്‍ക്ക് നോര്‍ക്ക റൂട്ട്സിന്റെ വെബ്സൈറ്റ് (www.norksroots.org) വഴിയോ പിന്നോക്ക വിഭാഗ വികസന കോര്‍പ്പറേഷന്റെ www.ksbcdc.com വെബ്സൈറ്റ് വഴിയോ വഴിയോ അപേക്ഷ ഫോറം ഡൌണ്‍ലോഡ് ചെയ്യാം. വിശദവിവരങ്ങള്‍ക്ക്- 0495 2701800.

അഭിമുഖം

ജില്ലയിലെ പൊതുവിദ്യാഭ്യാസ വകുപ്പില്‍ തയ്യല്‍ ടീച്ചര്‍ (ഹൈസ്‌കൂള്‍) തസ്തികയുടെ (കാറ്റഗറി നമ്പര്‍ 267/2018) ചുരുക്കപ്പട്ടികയില്‍ ഉള്‍പ്പെട്ടവരും സ്വീകാര്യമായ അപേക്ഷകള്‍ സമര്‍പ്പിച്ചതുമായ ഉദ്യോഗാര്‍ത്ഥികള്‍ക്കുള്ള അഭിമുഖം ആഗസ്റ്റ് 10, 11, 12 തീയതികളില്‍ രാവിലെ 9.30 മുതല്‍ പി.എസ്.സി ജില്ലാ ഓഫീസില്‍ ആരംഭിക്കും. ഉദ്യോഗാര്‍ത്ഥികള്‍ക്ക് അവരുടെ പ്രൊഫൈലില്‍ അഡ്മിഷന്‍ ടിക്കറ്റ് ലഭ്യമാക്കിയിട്ടുള്ളതിനാല്‍ വ്യക്തിഗത ഇന്റര്‍വ്യൂ മെമ്മോ അയയ്ക്കുന്നതല്ല. അഡ്മിഷന്‍ ടിക്കറ്റ് പ്രൊഫൈലില്‍ ലഭ്യമായിട്ടില്ലാത്തവര്‍ പി.എസ്.സി ജില്ലാ ഓഫീസുമായി ബന്ധപ്പെടേണ്ടതാണ്. വിവരങ്ങള്‍ക്ക്- 0495 2371971.

അപേക്ഷ ക്ഷണിച്ചു

വനിതാ ശിശു വികസന വകുപ്പിലെ വെള്ളിമാട്കുന്ന് സാമൂഹ്യനീതി കോംപ്ലക്സില്‍ പ്രവര്‍ത്തിക്കുന്ന വണ്‍ സ്റ്റോപ്പ് സെന്ററിലേക്ക് കരാര്‍ അടിസ്ഥാനത്തില്‍ താല്‍ക്കാലിക നിയമനത്തിനായി അപേക്ഷ ക്ഷണിച്ചു. 1. സെന്റര്‍ അഡ്മിനിസ്ട്രേറ്റര്‍ സ്ത്രീകള്‍ മാത്രം (റസിഡന്‍ഷ്യല്‍)
യോഗ്യത: സൈക്കോളജി, സോഷ്യോളജി അല്ലെങ്കില്‍ സോഷ്യല്‍ വര്‍ക്കില്‍ ബിരുദാനന്തരബിരുദം, നിയമ ബിരുദം. സര്‍ക്കാര്‍ അര്‍ദ്ധ സര്‍ക്കാര്‍ അംഗീകൃത സ്ഥാപനങ്ങളില്‍ സ്ത്രീകള്‍ക്കും കുട്ടികള്‍ക്കും എതിരെയുള്ള അതിക്രമങ്ങള്‍ക്കെതിരെ പ്രവൃത്തിച്ചുള്ള പരിചയം അഭിലഷണീയം. സ്ഥാപനത്തില്‍ താമസിച്ചു ജോലി ചെയ്യണം. 2.മള്‍ട്ടി പര്‍പ്പസ് ഹെല്‍പ്പര്‍ – (സ്ത്രീകള്‍ മാത്രം). പ്രവൃത്തിസമയം 24 മണിക്കൂര്‍, (ഷിഫ്റ്റ് അടിസ്ഥാനത്തില്‍). യോഗ്യത: എഴുത്തും വായനയും അറിയണം. ഹോസ്റ്റല്‍, അംഗീകൃത സ്ഥാപനങ്ങള്‍ എന്നിവയില്‍ കുക്ക്, ക്ലീനിംഗ് സ്റ്റാഫ്, ആശുപത്രി, അറ്റന്‍ഡര്‍ എന്നിവയിലുളള പ്രവൃത്തിപരിചയം, 3. മള്‍ട്ടി പര്‍പ്പസ് ഹെല്‍പ്പര്‍ (സ്ത്രീകള്‍ മാത്രം). യോഗ്യത: കമ്പ്യൂട്ടര്‍ പരിജ്ഞാനം (ഡി.ടി.പി, സ്‌കാനിംഗ് തുടങ്ങിയവയിലുള്ള പ്രവൃത്തി പരിചയം) ഓഫീസ് പ്രവര്‍ത്തനങ്ങളിലുള്ള പരിചയം അഭിലഷണീയം. 4) സെക്യൂരിറ്റി (സ്ത്രീകള്‍ മാത്രം). യോഗ്യത- എഴുത്തും വായനയും അറിയണം, പ്രവൃത്തി പരിചയം അഭിലഷണീയം. അപേക്ഷകള്‍ ഓഗസ്റ്റ് 5ന് വൈകുന്നേരം 5 മണിക്ക് മുമ്പായി വിമന്‍ പ്രൊട്ടക്ഷന്‍ ഓഫീസര്‍ സിവില്‍ സ്റ്റേഷന്‍, ബി ബ്ലോക്ക്, മൂന്നാം നില, കോഴിക്കോട്-2 എന്ന വിലാസത്തില്‍ സമര്‍പ്പിക്കേണ്ടതാണ്. കൂടുതല്‍ വിവരങ്ങള്‍ക്ക്: 0495-2371343.

ഈ വാർത്തയോടുള്ള നിങ്ങളുടെ പ്രതികരണം അറിയിക്കാനായി ഇവിടെ ക്ലിക്ക് ചെയ്യൂ..