കൊയിലാണ്ടി: കൊല്ലം പിഷാരികാവിൽ ചെറിയ വിളക്ക് ദിവസമായ ഇന്നത്തെ ഭക്തജന തിരക്ക് പരിഗണിച്ച് ദേശീയപാതയിൽ ഗതാഗത നിയന്ത്രണം. ഉച്ചയ്ക്ക് 12 മുതൽ രാത്രി 8 വരെയാണ് നിയന്ത്രണം.

വടകര ഭാഗത്ത് നി ന്നുള്ള വലിയ വാഹനങ്ങൾ പയ്യോളി – പേരാമ്പ്ര – ഉള്ളിയേരി വഴി കോഴിക്കോട് ഭാഗത്തേക്കു പോകണം. വടകര ഭാഗത്തു നിന്നു വരുന്ന വലിയ ചരക്ക് വാഹനങ്ങൾ മൂരാട് പാലത്തിനു മുൻപുള്ള ഒഴിഞ്ഞ ഭാഗങ്ങളിൽ നിർത്തിയിടണം. വടകര- കൊയിലാണ്ടി ബസ്സുകൾ കൊല്ലം ചിറയിൽ നിർത്തി ആളെ ഇറക്കി പോകണം.

കോഴിക്കോടു നിന്നു വടകര ഭാഗത്തേക്കുള്ള വാഹനങ്ങൾ പൂളാടിക്കുന്ന് – ഉള്ളിയേരി – പേരാമ്പ്ര വഴി പോകണം. കോഴിക്കോട് നിന്നു വരുന്ന വലിയ ചരക്ക് വാഹനങ്ങൾ വെങ്ങളം – പൂളാടിക്കുന്ന് ബൈപാസിലെ ഒഴിഞ്ഞ ഭാഗത്ത് നിർത്തിയിടമെന്ന് പൊലീസ് അറിയിച്ചു.