ആശങ്കയോ സംശയമോ വേണ്ട! കൊയിലാണ്ടി ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍ പ്ലസ് വണ്‍ പ്രവേശനത്തിന് ആണ്‍കുട്ടികള്‍ക്കും അപേക്ഷിക്കാം
കൊയിലാണ്ടി: പന്തലായനി ഗവ. ഗേള്‍സ് വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ പ്ലസ് വണ്‍ പ്രവേശനത്തിന് ആണ്‍കുട്ടികള്‍ക്കും അപേക്ഷിക്കാവുന്നതാണെന്ന് പി.ടി.എ അറിയിച്ചു. പ്രോസ്‌പെക്ട്രസില്‍ ഇക്കാര്യം പരാമര്‍ശിക്കാത്തത് രക്ഷിതാക്കള്‍ക്ക് ഇടയില്‍ ആശങ്കയ്ക്ക് വഴിവെച്ചിരുന്നു. ഈ സാഹചര്യത്തിലാണ് പി.ടി.എയുടെ വിശദീകരണം.
ഏകജാലക സംവിധാനം വഴിയുള്ള അപേക്ഷയില്‍ ആണ്‍കുട്ടികള്‍ക്കും പ്രവേശനത്തിനായി ഓപ്ഷന്‍ നല്‍കാവുന്നതാണ്.
ഈ അധ്യയന വര്‍ഷത്തിന് തൊട്ടുമുമ്പാണ് കൊയിലാണ്ടി ഗേള്‍സ് ഹയര്‍ സെക്കണ്ടറി സ്‌കൂളില്‍ ആണ്‍കുട്ടികള്‍ക്കും പ്രവേശനം അനുവദിച്ച് ഉത്തരവ് പുറത്തിറങ്ങിയത്. പന്തലായനി ഗവ. ഗേള്‍സ് വൊക്കേഷണല്‍ ഹയര്‍ സെക്കണ്ടറി സ്‌കൂള്‍ എന്ന് സ്‌കൂളിന്റെ പേര് മാറ്റുകയും ചെയ്തിരുന്നു.