കായിക പ്രതിഭകളായ നടേലക്കണ്ടി ചന്ദ്രന്റെയും എന്‍.കെ.പ്രേംജിത് ലാലിന്റെയും ഓര്‍മ്മകളില്‍ കൊയിലാണ്ടി; അനുസ്മരണ പരിപാടിയുമായി എ.കെ.ജി സ്‌പോര്‍ട്‌സ് സെന്റര്‍
കൊയിലാണ്ടി: നടേലക്കണ്ടി ചന്ദ്രന്‍, എന്‍.കെ.പ്രേംജിത് ലാല്‍ (ലാലു) അനുസ്മരണവും ഉപഹാരസമര്‍പ്പണവും സംഘടിപ്പിച്ച് എ.കെ.ജി സ്‌പോര്‍ട്‌സ് സെന്റര്‍ കൊയിലാണ്ടി. ചടങ്ങില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം കൈവരിച്ച കുട്ടികളെയും ഫുട്‌ബോളില്‍ ഏറ്റവും പ്രധാനപ്പെട്ട മത്സരങ്ങളില്‍ ഒന്നായ സുബ്രതോ കപ്പ് ടൂര്‍ണമെന്റില്‍ ജില്ലാ വിജയികളായ ജി.വി.എച്ച്.എസ്.എസ് കൊയിലാണ്ടിയുടെ അഭിമാന തരങ്ങളെയും ആദരിച്ചു.
ചടങ്ങില്‍ നഗരസഭ ചെയര്‍ പേര്‍സണല്‍ സുധ കിഴക്കേപ്പാട്ട്, മുന്‍ എം.എല്‍.എമാരായ പി.വിശ്വന്‍, കെ.ദാസന്‍, കെ.സത്യന്‍, സി.അശ്വിന്‍ ദേവ്, ഷിജു മാസ്റ്റര്‍, എ.ലളിത, പി.വി.സത്യന്‍ എന്നിവര്‍ പങ്കെടുത്തു.
കൊയിലാണ്ടി ബോയ്‌സ് ഹൈസ്‌കൂളിലും ഗവ. ആര്‍ട്‌സ് കോളേജിലും പഠനം പൂര്‍ത്തിയാക്കിയ എന്‍.കെ.ചന്ദ്രന്‍, ദേശീയ സംസ്ഥാന തലങ്ങളില്‍ അറിയപ്പെടുന്ന ഫുട്‌ബോളറും സാമൂഹിക രാഷ്ട്രീയ രംഗത്തെ നിസ്വാര്‍ത്ഥ പ്രവര്‍ത്തകനുമായിരുന്നു.
കൊയിലാണ്ടിയുടെ കായിക, സംസ്‌കാരിക രംഗങ്ങൡ വളരെ ചെറിയ പ്രായത്തില്‍ തന്നെ സജീവ സാന്നിധ്യമായി മാറിയ വ്യക്തിയാണ് പ്രേംജിത് ലാല്‍ എന്ന ലാലു.