Category: Push.
ഉള്ള്യേരിയില്‍ കാര്‍ യാത്രക്കാരെ ബസ് ജീവനക്കാര്‍ മര്‍ദ്ദിച്ച സംഭവം; ബസ് ഡ്രൈവര്‍ റിമാന്റില്‍
ഉള്ള്യേരി: ഉള്ള്യേരിയില്‍ കഴിഞ്ഞ ദിവസം കാര്‍ യാത്രക്കാരെ ബസ് ജീവനക്കാര്‍ മര്‍ദ്ദിച്ച സംഭവത്തില്‍ ബസ് ഡ്രൈവര്‍ റിമാന്റില്‍. കോഴിക്കോട് കുറ്റ്യാടി റൂട്ടിലോടുന്ന എടത്തില്‍ ബസ് ജീവനക്കാരനായ കുറ്റ്യാടി സ്വദേശി ഇജാസാണ് പിടിയിലായത്. പേരാമ്പ്രയില്‍ വച്ച് പേരാമ്പ്ര ഡിവൈഎസ്പി കുഞ്ഞിമൊയ്തീന്റെ സ്‌ക്വാഡും അത്തോളി എസ്.ഐ മുഹമ്മദലിയും സംഘമാണ് ഇയാളെ അറസ്റ്റ് ചെയ്ത്. ഉള്ള്യേരി കാഞ്ഞിരത്തിങ്കല്‍ ബിപിന്‍ലാലിനാണ്‌ മര്‍ദ്ദനമേറ്റത്.
എംഫില്‍ ബിരുദം അംഗീകൃതമല്ല, വിദ്യാര്‍ത്ഥികള്‍ അഡ്മിഷന്‍ എടുക്കരുത്, അറിയിപ്പുമായി യുജിസി
ന്യൂഡല്‍ഹി: എംഫില്‍ ഡിഗ്രി കോഴ്‌സ് നിര്‍ത്തലാക്കിയെന്നും വിദ്യാര്‍ത്ഥികള്‍ അഡ്മിഷന്‍ എടുക്കരുതെന്നും യൂണിവേഴ്‌സിറ്റി ഗ്രാന്റ്‌സ് കമ്മിഷന്‍ (യുജിസി). എംഫില്‍ കോഴ്‌സിന് ചില സര്‍വകലാശാലകള്‍ അപേക്ഷ ക്ഷണിച്ച പശ്ചാത്തലത്തിലാണ് യുജിസിയുടെ അറിയിപ്പ്. കൂടാതെ 2024-25 സെക്ഷനിലേക്കുള്ള പ്രവേശനം നിര്‍ത്താന്‍ അടിയന്തര നടപടികള്‍ സ്വീകരിക്കാന്‍ സര്‍വകലാശാലകളോട് യുജിസി ആവശ്യപ്പെട്ടു. “എംഫില്‍ (മാസ്റ്റര്‍ ഓഫ് ഫിലോസഫി) പ്രോഗ്രാമിലേക്ക് ഏതാനും സര്‍വകലാശാലകള്‍ പുതിയ
വയനാട്ടില്‍ ചെക്ക് ഡാമിന് സമീപം വൈദ്യുതാഘാതമേറ്റ് പതിനാലുകാരന് ദാരുണാന്ത്യം
വയനാട്: മാനന്തവാടി കുഴിനിലം ചെക് ഡാമിന് സമീപം വിദ്യാര്‍ത്ഥി വൈദ്യുതാഘാതമേറ്റ് മരിച്ചു. അടുവാങ്കുന്ന്‌ കോളനിയിലെ അഭിജിത്താണ്‌ മരിച്ചത്. പതിനാല് വയസായിരുന്നു. ചൊവ്വാഴ്ച വൈകിട്ട് അഞ്ചരയോടെ കോളനിക്ക് സമീപത്തുള്ള ചെക്ക് ഡാമില്‍ മീന്‍ പിടിക്കാന്‍ പോയിരുന്നു. ഇവിടെ നിന്നും ഷോക്കേറ്റതാണെന്നാണ് സൂചന. വിവരമറിഞ്ഞെത്തിയ നാട്ടുകാര്‍ അഭിജിത്തിനെ ഉടന്‍ തന്നെ മാനന്തവാടി മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും ജീവന്‍
കൊയിലാണ്ടിയില്‍ ട്രെയിന്‍ തട്ടി മധ്യവയസ്‌കന്‍ മരിച്ച നിലയില്‍
കൊയിലാണ്ടി: പാലക്കുളം റെയില്‍വേ ട്രാക്കില്‍ മധ്യവയസ്‌കന്‍ ട്രെയിന്‍ തട്ടി മരിച്ച നിലയില്‍. ഇന്ന് ഒരുമണിയോടെയാണ് മൃതദേഹം കണ്ടത്. തടിച്ച ശരീരപ്രകൃതമാണ് മരിച്ചയാള്‍ക്ക്. ഇതുവരെ ആളെ തിരിച്ചറിഞ്ഞിട്ടില്ല. വിവരമറിഞ്ഞ് കൊയിലാണ്ടി പോലീസും അഗ്നിരക്ഷാസേനയും സ്ഥലത്തെത്തി. ഇന്‍ക്വസ്റ്റ്‌ നടപടികള്‍ക്ക് ശേഷം മൃതദേഹം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
‘കുടിച്ച് തീര്‍ത്ത് മലയാളികള്‍’, ക്രിസ്മസിന് ബെവ്‌കോയില്‍ റെക്കോര്‍ഡ് മദ്യവില്‍പന
തിരുവനന്തപുരം: ക്രിസ്മസിന് സംസ്ഥാനത്ത് റെക്കോഡ് മദ്യവില്‍പന. മൂന്ന് ദിവസങ്ങളിലായി 154.77 കോടി രൂപയുടെ മദ്യവില്‍പനയാണ് ബെവ്‌കോ ഔട്ട്‌ലെറ്റുകള്‍ വഴി നടന്നത്. ഇന്നലെ മാത്രം 70.73 കോടി രൂപയുടെ മദ്യം വിറ്റുപോയി. ചാലക്കുടിയിലെ ഔട്ട്‌ലെറ്റിലാണ് ഏറ്റവും കൂടുതല്‍ വില്‍പന നടന്നിരിക്കുന്നത്. 63,85,290രൂപയുടെ മദ്യമാണ് ഇവിടെ വിറ്റത്. ചങ്ങനാശ്ശേരിയും ഇരിങ്ങാലക്കുടയുമാണ് രണ്ടും മൂന്നും സ്ഥാനങ്ങളില്‍. ചങ്ങനാശ്ശേരിയില്‍ 62,87,120രൂപയുടെയും ഇരിങ്ങാലക്കുടയില്‍
ചാലക്കുടിയില്‍ പോലീസ് ജീപ്പ് തകര്‍ത്ത സംഭവം; കോഴിക്കോട് ലോ കോളേജ് വിദ്യാര്‍ത്ഥിനിയടക്കം മൂന്ന് പേര്‍ കൂടി അറസ്റ്റില്‍
ചാലക്കുടി: ചാലക്കുടിയില്‍ പോലീസ് ജീപ്പ് തല്ലിത്തകര്‍ത്ത കേസില്‍ അറസ്റ്റിലായ എട്ട് പ്രതികളെയും ചാലക്കുടി മജിസ്‌ട്രേറ്റ് കോടതി റിമാന്റ് ചെയ്തു. വനിതാനേതാവടക്കം മൂന്ന് പേരെ പോലീസ് ഞായറാഴ്ച അറസ്റ്റ് ചെയ്തിരുന്നു. കോഴിക്കോട് ലോ കോളേജ് വിദ്യാര്‍ത്ഥിനിയും മോതിരക്കണ്ണി സ്വദേശിയുമായ സാന്ദ്ര ബോസ്(22), പടിഞ്ഞാറെ ചാലക്കുടി സ്വദേശി നിര്‍മല്‍ (22), അലവി സെന്റര്‍ സ്വദേശി അഫ്‌സല്‍(25) എന്നിവരാണ് പിടിയിലായത്.
പുളിയഞ്ചേരി നെല്ലൂളിത്താഴയില്‍ യുവതി ആത്മഹത്യ ചെയ്ത നിലയില്‍
പുളിയഞ്ചേരി: നെല്ലൂളിത്താഴയില്‍ യുവതിയെ വീട്ടില്‍ ആത്മഹത്യ ചെയ്ത നിലയില്‍ കണ്ടെത്തി. നടുവിലക്കണ്ടിമീത്തല്‍ നീതുവാണ് മരിച്ചത്. മുപ്പത്തിരണ്ട് വയസായിരുന്നു. വിവരമറിഞ്ഞ ഓടിക്കൂടിയ നാട്ടുകാര്‍ പോലീസിനെ വിവരമറിയിക്കുകയായിരുന്നു. തുടര്‍ന്ന് കൊയിലാണ്ടി താലൂക്ക് ആശുപത്രിയില്‍ എത്തിച്ചെങ്കിലും അപ്പോഴേക്കും മരിച്ചിരുന്നു. മൃതദേഹം പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളേജിലേക്ക് മാറ്റി. കോളേജ് പഠനത്തിനുശേഷം പി.എസ്.സി പരീക്ഷകള്‍ക്കായി തയ്യാറെടുക്കുകയായിരുന്നു നീതു. അച്ഛന്‍: രാജന്‍. അമ്മ:
കാനഡയില്‍ ജോലിവാഗ്ദാനം ചെയ്ത് തട്ടിയെടുത്തത് 17 ലക്ഷം, നൈജീരിയക്കാരന്‍ പിടിയില്‍; വ്യാജ സിം കാര്‍ഡുകളും ലാപ് ടോപുകളും പിടിച്ചെടുത്തു
കല്‍പറ്റ: കാനഡയില്‍ ജോലിവിസ വാഗ്ദാനം ചെയ്ത് കല്‍പറ്റ സ്വദേശിനിയില്‍ നിന്നും 17ലക്ഷം തട്ടിയെടുത്ത കേസില്‍ നൈജീരിയക്കാരന്‍ അറസ്റ്റില്‍. നൈജീരിയന്‍ സ്വദേശി മോസസാണ് ബാംഗ്ലൂരില്‍ പിടിയിലായത്. വയനാട് സൈബര്‍ പോലീസ് സ്‌റ്റേഷന്‍ ഇന്‍സ്‌പെക്ടര്‍ ഷജു ജോസഫിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. മെഡിക്കല്‍ കോഡിങ്ങ് ജോലിക്കായി വിവിധ സൈറ്റുകളില്‍ പെണ്‍കുട്ടി അപേക്ഷകള്‍ നല്‍കിയിരുന്നു. ഇത്തരത്തിലുള്ള ഒരു വെബ്
19 ദിവസത്തിനുള്ളില്‍ ബിരുദ പരീക്ഷാഫലം; ബാര്‍കോഡ് സംവിധാനത്തിലൂടെ പരീക്ഷാഫലം അതിവേഗം പ്രസിദ്ധീകരിച്ച് കാലിക്കറ്റ് സര്‍വകലാശാല
തേഞ്ഞിപ്പാലം: ബാര്‍കോഡ് സംവിധാനത്തിലൂടെ സംസ്ഥാനത്ത് ആദ്യമായി പരീക്ഷാഫലം അതിവേഗം പ്രസിദ്ധീകരിച്ച് കാലിക്കറ്റ് സര്‍വകലാശാല. അഫിലിയേറ്റഡ് കോളേജുകളിലെ റഗുലര്‍ വിദ്യാര്‍ത്ഥികളുടെ അഞ്ചാം സെമസ്റ്റര്‍ ബിരുദ പരീക്ഷാഫലം 19 ദിവസംകൊണ്ടാണ് സര്‍വകലാശാല പുറത്തുവിട്ടത്. നവംബര്‍ 13 മുതല്‍ 30വരെയായിരുന്നു പരീക്ഷ. തുടര്‍ന്ന് കേന്ദ്രീകൃത മൂല്യനിര്‍ണയ സംവിധാനത്തിലൂടെ 150 ക്യാമ്പുകളിലായി ഏഴായിരത്തോളം അധ്യാപകരാണ് മൂല്യ നിര്‍ണയം നടത്തിയത്. 5,12,461 ഉത്തരകടലാസുകളാണ്
സംസ്ഥാനത്ത് സ്വര്‍ണവിലയില്‍ ഇന്നും വര്‍ധന; പവന് കൂടിയത് 160 രൂപ, വിശദമായി അറിയാം..
കോഴിക്കോട്: ക്രിസ്തുമസ് ആഘോഷങ്ങള്‍ തുടക്കം കുറിക്കുമ്പോള്‍ വിപണിയെ ചൂടുപിടിപ്പിച്ച് സ്വര്‍ണ്ണ വിലയിലും വര്‍ധനവ് ഉണ്ടായിരിക്കുകയാണ്.് 160 രൂപ കൂടിയതോടെ പവന് 46,560 രൂപയായി. 20 രൂപയുടെ വര്‍ധനവാണ് ഗ്രാമില്‍ ഉണ്ടായിരിക്കുന്നത്. ഇന്ന് ഒരു ഗ്രാം സ്വര്‍ണത്തിന്റെ വില 5820 രൂപയാണ്. ഇന്നലെ സ്വര്‍ണ്ണത്തിന് 200 രൂപയാണ് കൂടിയത്. ഇതോടെ പവന് 46,400 രൂപയായിരുന്നു വിപണയില്‍ കഴിഞ്ഞ