കൊയിലാണ്ടി: പൊന്നാനി സ്വദേശിയും കലാസംവിധായകനുമായ ഇ.രാജീവിന്റെ കാരിക്കേച്ചർ പ്രദർശനം കൊയിലാണ്ടിയിൽ. റെയിൽവേ സ്റ്റേഷൻ റോഡിലെ ശ്രദ്ധ ആർട്ട് ഗ്യാലറിയിലാണ് പ്രദർശനം നടക്കുന്നത്. പ്രശസ്ത ചിത്രകാരൻ മദനൻ ചിത്ര പ്രദർശനം ഉദ്ഘാടനം ചെയ്തു.

ഇ.രാജീവിന്റെ നാൽപ്പത്തിയഞ്ചോളം നർമ്മം കലർന്ന മുഖചിത്രങ്ങളാണ് പ്രദർശനത്തിലുള്ളത്. കലാ-സാംസ്കാരിക,രാഷ്ട്രീയ നേതാക്കൾക്കൊപ്പം കൊയിലാണ്ടിയിലെ പരിചിത മുഖങ്ങളുമുണ്ട് പ്രദർശനത്തിൽ.

ഉദ്ഘാടന ചടങ്ങിൽ യു.കെ.രാഘവൻ മാസ്റ്റർ അധ്യക്ഷനായി. എൻ.വി. ബാലകൃഷ്ണൻ, കിഷോർ കുമാർ (പ്രസിഡന്റ്, ചാർക്കോൾ), മണികണ്ഠൻ പൊന്നാനി, ശിവാസ് നടേരി, നവീൻ കുമാർ, എൻ.കെ.മുരളി, ഷാജി കാവിൽ എന്നിവർ സംസാരിച്ചു.

ഇ.രാജീവിന്റെ ചിത്രങ്ങളുടെ പ്രദർശനം നവംബർ നാല് വരെ തുടരുമെന്ന് ഷോ ക്യൂറേറ്റർ സായി പ്രസാദ് ചിത്രകൂടം അറിയിച്ചു. രാവിലെ 11 മണി മുതൽ വൈകീട്ട് ഏഴ് മണി വരെയാണ് പ്രദർശനസമയം.

വീഡിയോ കാണാം: