കുറ്റ്യാടി: കുറ്റ്യാടി ടൗണില്‍ അത്യാധുനിക സംവിധാനങ്ങളോടെ പുനർനിർമ്മിച്ച മണ്ഡലം കോൺഗ്രസ് കമ്മിറ്റി ഓഫീസ് ഇന്ദിരാഭവന്‍ ഉദ്ഘാടനത്തിനൊരുങ്ങി. ഞായറാഴ്ച വൈകുന്നേരം ആറ് മണിക്ക് കെ.പി.സി.സി.പ്രസിഡൻ്റ് കെ.സുധാകരൻ എം.പി. ഉദ്ഘാടന കർമ്മം നിർവ്വഹിക്കുമെന്ന് ഭാരവാഹികൾ വാർത്താക്കുറിപ്പിൽ അറിയിച്ചു.

ടൗണിന്റെ ഹൃദയഭാഗത്ത് കൂടുതല്‍ സ്ഥല സൗകര്യത്തിലും അത്യാധുനിക രീതിയിലുമാണ് കെട്ടിടം പുനർനിർമ്മിച്ചിച്ചുള്ളത്. ഉദ്ഘാടന ചടങ്ങിൽ കെ.മുരളീധരൻ എം.പി, മുൻ കെപിസിസി പ്രസിഡൻ്റ് മുല്ലപ്പള്ളി രാമചന്ദ്രൻ, കെപിസിസി വർക്കിംഗ് പ്രസിഡൻ്റ് അസ്വ. ടി.സിദ്ദീഖ് എംഎൽഎ, ഡിസിസി പ്രസിഡൻ്റ് അഡ്വ. കെ.പ്രവീൺ കുമാർ തുടങ്ങിയവർ പങ്കെടുക്കുമെന്ന് മണ്ഡലം കോൺഗ്രസ് പ്രസിഡൻ്റ് ശ്രീജേഷ് ഊരത്ത്, നിർമാണ കമ്മിറ്റി ചെയർമാൻ സി.എച്ച്.മൊയ്തു, ജനറൽ കൺവീനർ നൗഷാദ് കോവില്ലത്ത് തുടങ്ങിയവർ പറഞ്ഞു.