കോഴിക്കോട്: എരഞ്ഞിപ്പാലത്ത് വാടക വീട്ടിൽ നിന്നും സ്വർണ്ണാഭരണം മോഷ്ടിച്ചു. എരഞ്ഞിപ്പാലം ബിലാത്തിക്കുളം റോഡിൽ അനൂപ് എന്നയാൾ വാടകയ്ക്ക് താമസിക്കുന്ന വീട്ടിലാണ് മോഷണം നടന്നത്. ഏകദേശം 15 പവൻ സ്വർണ്ണമാണ് കവർന്നത്.

വാടക വീട്ടിലെ ബെഡ്റൂമിലെ അലമാരയിലാണ് സ്വർണ്ണമടങ്ങിയ ബാ​ഗ് ഉണ്ടായിരുന്നത്. വീടിന്റെ പിൻവശത്തെ വാതിൽ തകർത്ത് അകത്തുകയറിയ കള്ളൻ അലമാരയിൽ സൂക്ഷിച്ച സ്വർണ്ണം അടങ്ങിയ ബാ​ഗ് കവർന്ന് കടന്നുകളയുകയായിരുന്നു. ഇന്നലെ രാത്രിയാണ് സംഭവം.

നടക്കാവ് പോലീസിൽ പരാതി നൽകിയതിനെ തുടർന്ന് പോലീസ് അന്വേഷണം ആരംഭിച്ചു. സിസിടിവി ഉൾപ്പെടെയുള്ളവ പരിശോധിച്ച് അന്വേഷണം പുരോ​ഗമിക്കുകയാണ്.