നാദാപുരം: സ്കൂട്ടിയിൽ കടത്തുകയായിരുന്ന വിദേശമദ്യവുമായി വേളം സ്വദേശി അറസ്റ്റിൽ. വേളം ശാന്തിന​ഗറിൽ നാഗത്ത് താഴെ കുനി വീട്ടിൽ ചാത്തു മകൻ മുരളിയാണ് അറസ്റ്റിലായത്. നാദാപുരം എക്സ്സൈസ് റേഞ്ച് പാർട്ടി തൊട്ടിൽപ്പാലം കടേക്കച്ചാൽ ഭാഗങ്ങളിൽ നടത്തിയ പട്രോളിംഗിലാണ് യുവാവ് പിടിയിലായത്.

ഇയാളിൽ നിന്ന് ആറ് ലിറ്റർ കെ.എസ്.ബി.സി മദ്യം പിടികൂടി. മദ്യം കടത്താൻ ഉപയോ​ഗിച്ച സ്കൂട്ടിയും എക്സെെസ് കസ്റ്റഡിയിൽ എടുത്തു.

പരിശോധനയ്ക്ക് അസിസ്റ്റന്റ് എക്‌സൈസ് ഇന്‍സ്‌പെക്ടര്‍ കെ.വി.മുരളിയുടെ നേതൃത്വം നൽകി. സിവില്‍ എക്‌സൈസ് ഓഫീസര്‍മാരായ ഗണേഷ്. കെ, ജയന്‍.കെ.കെ, ഷിരാജ്.കെ, ഡ്രൈവര്‍ പ്രജീഷ് എന്നിവര്‍ പങ്കെടുത്തു.

Summary: Velam native arrested with liquor at nadapuram