കോഴിക്കോട്: കോഴിക്കോട് നിന്നും 55 കിലോ കഞ്ചാവുമായി രണ്ടു പേര്‍ പിടിയിലായി. പനത്തടി പള്ളികുന്നേ ല്‍ വീട്ടില്‍ പി.പി. ജോണ്‍സന്‍ (58), ചാത്തമംഗലം നെല്ലിക്കോട് പറമ്പില്‍ എന്‍.പി. മുരളീധരന്‍ (40) എന്നിവരെയാണ് ഞായറാഴ്ച പുലര്‍ച്ച പൂവാട്ട്പറമ്പ് തോട്ടുമുക്ക് ഭാഗത്തുനിന്ന് പിടികൂടിയത്.

ആന്ധ്രയില്‍നിന്ന് കാറില്‍ കോഴിക്കോട് വില്‍പനക്കെത്തിച്ച കഞ്ചാവാണ് പിടികൂടിയത്. പിടിയിലായ മുരളീധരന്‍ മുന്‍പ് 100 കിലോയോളം കഞ്ചാവ് കാറില്‍ കടത്തിയതിന് പിടിയിലായിരുന്നു. പിടിയിലായ ഇരുവരും അന്തര്‍സംസ്ഥാന ലോറികളില്‍ ഡ്രൈവറായി ജോലി ചെയ്യുകയാണ്.

സിറ്റി നാര്‍കോട്ടിക് സെല്‍ അസി. കമീഷണര്‍ ടി.പി. ജേക്കബിന്റെ നേതൃത്വത്തിലുള്ള ഡന്‍സാഫ് സ്‌ക്വാഡും എസ്.ഐ പി.ടി. സെയ്ഫുല്ലയുടെ നേതൃത്വത്തി ലുള്ള മെഡിക്കല്‍ കോളജ് പൊലീസും ചേര്‍ന്ന് പിടികൂടിയത്.