കക്കയം: കക്കയം ഡാം പരിസരത്ത് കാട്ടുപോത്തിന്റെ ആക്രമണം. ഡാം സന്ദര്‍ശിക്കാനെത്തിയ ഒരു കുടുംബത്തിലെ മൂന്നുപേര്‍ക്കാണ് കാട്ടുപോത്തിന്റെ കുത്തേറ്റത്.

ഇടപ്പള്ളി തോപ്പില്‍ വീട്ടില്‍ നീതു ഏലിയാസ് (32), മകള്‍ ആന്‍മരിയ (4) എന്നിവര്‍ക്കാണ് പരിക്കേറ്റത്. ഇതില്‍ നീതുവിന്റെ പരിക്ക് ഗുരുതരമാണ്. വാരിയെല്ലിന് പൊട്ടലുണ്ട്. തലയ്ക്കും പരിക്കുണ്ട്. പരുക്കേറ്റവരെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.

കൂടരഞ്ഞിയിലെ ബന്ധുവീട്ടില്‍ വിരുന്നിനെത്തിയതായിരുന്നു ഇവര്‍. ഇവിടെ നിന്നും ഡാം പരിസരത്തേക്ക് പോകുകയായിരുന്നു. ഉച്ചയ്ക്ക് രണ്ടരയോടെയാണ് കാട്ടുപോത്തിന്റെ ആക്രമണമുണ്ടായത്. ഇന്നലെ രാത്രി മുതല്‍ ഒരു കാട്ടുപോത്ത് പരിസരത്ത് ഉണ്ടായിരുന്നതായി ഇവിടത്തുകാര്‍ പറയുന്നു.