തിക്കോടിയില്‍ വാഹനാപകടത്തില്‍ മരണപ്പെട്ട അയനിക്കാട് സ്വദേശിയുടെ മൃതദേഹം ഇന്ന് സംസ്‌ക്കരിക്കും
തിക്കോടി: തിക്കോടിയില്‍ ടാങ്കര്‍ ലോറിയിടിച്ച് മരിച്ചയാളുടെ മൃതദേഹം ഇന്ന് സംസ്‌ക്കരിക്കും. ഇന്ന് രാത്രി അയനിക്കാട് ഹൈദ്രോസ് ജുമാ മസ്ജിദ് ഖബര്‍സ്ഥാനിലാണ് ഖബറടക്കുക. അയനിക്കാട് മഠത്തില്‍ മുക്ക് വളപ്പില്‍ നജീബ് ആണ് വാഹനാപകടത്തില്‍ മരണപ്പെട്ടത്.
ഇന്ന് രാവിലെ പത്തരയോടെയായിരുന്നു സംഭവം. കോഴിക്കോട് ഭാഗത്തേക്ക് പോവുകയായിരുന്ന നജീബിനെ തിക്കോടി ടൗണില്‍ വച്ച് ടാങ്കര്‍ ലോറി ഇടിക്കുകയായിരുന്നു. അപകടത്തില്‍ ടാങ്കര്‍ ലോറി ബൈക്ക് യാത്രികന്റെ ദേഹത്തിലൂടെ കയറി ഇറങ്ങുകയായിരുന്നു.
പയ്യോളി പൊലീസ് സ്ഥലത്തെത്തി ബൈക്ക് യാത്രികനെ കൊയിലാണ്ടി താലൂക്ക് ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. കൊയിലാണ്ടി താലൂക്ക് ആശുപത്രിയില്‍ പോസ്റ്റ്മാര്‍ട്ടത്തിന് ശേഷമാണ് ഖബറടക്കുക.
ഭാര്യ: ഫയറുന്നിസ. മക്കള്‍: ജസീം (ഖത്തര്‍), ഷന്‍വീല്‍, ഷുമൈല്‍, നാജിയ. മമരുമക്കള്‍: മുഹ്‌സിന, ഹര്‍ഷാദ്.