കൊയിലാണ്ടി: ഭിന്നശേഷിക്കാരായ കുരുന്നുകൾക്കും രക്ഷിതാക്കൾക്കുമായി ‘ ശലഭയാത്ര’ എന്ന പേരിൽ പന്തലായനി ബി.ആർ.സി പഠനയാത്ര സംഘടിപ്പിച്ചു. ശനിയാഴ്ച രാവിലെ ഒമ്പതരയ്ക്ക് കൊയിലാണ്ടി നഗരസഭാ വികസനകാര്യ സ്റ്റാന്റിങ് കമ്മിറ്റി ചെയർപേഴ്സൺ കെ.എ.ഇന്ദിര ടീച്ചർ യാത്ര ഫ്ളാഗ് ഓഫ് ചെയ്തു.

പ്ലാനറ്റോറിയം, ആകാശവാണി നിലയം, കോഴിക്കോട് റെയിൽവേ സ്റ്റേഷൻ, ദേശാഭിമാനി പത്രം പ്രിന്റിങ് സ്ഥാപനം തുടങ്ങിയ സ്ഥലങ്ങളാണ് സന്ദർശിച്ചത്. പ്ലാനറ്റേറിയത്തിലെ ആകാശകാഴ്ചകളും, പത്രത്തിന്റെ പ്രിന്റിങ് രീതികളും ആകാശവാണി നിലയത്തിലെ പ്രവർത്തനങ്ങളും കുട്ടികൾക്കും രക്ഷിതാക്കൾക്കുമായി വളരെ ലളിതമായി വിവരിച്ചു നൽകി. രുചികരമായ ഉച്ചഭക്ഷണവും വിജ്ഞാനപ്രദമായ നവ്യാനുഭവങ്ങളും യാത്രയെ ആനന്ദകരമാക്കി.