മേലടി: ബ്ലോക്ക് പഞ്ചായത്ത് സാക്ഷരതാ മിഷന്റെ ആഭിമുഖ്യത്തില്‍ ഉന്നത വിജയികള്‍ക്കുള്ള അനുമോദനവും ലഹരി വിരുദ്ധ ബോധവത്കരണ ക്ലാസും സംഘടിപ്പിച്ചു. പയ്യോളി തിക്കോടിയന്‍ സ്മാരക ഗവണ്‍മെന്റ് വൊക്കേഷണല്‍ ഹയര്‍ സെക്കണ്ടറി സ്‌കൂള്‍ ഓഡിറ്റോറിയത്തിലായിരുന്നു പരിപാടി സംഘടിപ്പിച്ചത്.

പരിപാടിയുടെ ഔദ്യോഗിക ഉദ്ഘാടനം മേലടി ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് നിര്‍വ്വഹിച്ചു. ലീന പുതിയോട്ടില്‍ (ആരോഗ്യ വിദ്യഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍) സ്വാഗതം പറഞ്ഞ ചടങ്ങില്‍ പി.പ്രസന്ന (വൈ.പ്രസിഡന്റ്, മേലടി ബ്ലോക്ക് ) അധ്യക്ഷയായി.

ചടങ്ങില്‍ ഉന്നത വിജയം കരസ്ഥമാക്കിയ ശോഭ, ശൈലേഷ് എന്നിവര്‍ക്കുള്ള അനുമോദനവും ഉപഹാര സമര്‍പ്പണവും പ്രസിഡണ്ട് സുരേഷ് ചങ്ങാടത്ത് നിര്‍വ്വഹിച്ചു. പരിപാടിയ്ക്ക് ആശംസ അര്‍പ്പിച്ച് പി.വി റംല (മേലടി ബ്ലോക്ക് മെമ്പര്‍ ) സംസാരിച്ചു. കരുണാകരന്‍ കെ.ലഹരി വിരുദ്ധ ബോധവത്കരണ ക്ലാസ് നടത്തി. ഷീന പി ( നോഡല്‍ പ്രേരക് ) ചടങ്ങിന് നന്ദി പറഞ്ഞു.