‘ജീവിതമാണ് ലഹരി’;ലഹരി വിരുദ്ധ ബോധവത്കരണവുമായി പൊയില്‍ക്കാവ് എച്ച്.എസ്.എസ് സ്‌കൂള്‍
കൊയിലാണ്ടി: ലോക ലഹരി വിരുദ്ധ ദിനത്തില്‍ വിവിധ ബോധവത്കരണ പരിപാടികള്‍ നടത്തി പൊയില്‍ക്കാവ് എച്ച്.എസ്.എസ് സ്‌കൂള്‍. ‘ജീവിതമാണ് ലഹരി ‘ – എന്ന വിഷയത്തില്‍ പിഗ്മെന്റ് ആര്‍ട്ട് ക്ലബിന്റെ നേതൃത്വത്തില്‍ ബിഗ് ക്യാന്‍വാസ് – ചിത്രരചന, നൃത്ത പരിപാടി, എന്നിവ സംഘടിപ്പിച്ചു.
കൂടാതെ സ്റ്റുഡന്റ് പോലീസ്, എന്‍.സി.സി ലിറ്റില്‍ കൈറ്റ്‌സ്, ജാഗ്രതാ സമിതി എന്നിവയുടെ നേതൃത്വത്തില്‍ ലഹരി വിരുദ്ധ പ്രതിജ്ഞ, പോസ്റ്റര്‍ നിര്‍മ്മാണം എന്നിവ നടന്നു. ലഹരി ഉപയോഗത്തിന്റെ പ്രശ്‌നങ്ങള്‍ ചൂണ്ടിക്കാട്ടി ലഹരി വിരുദ്ധ റാലിയും ബോധവത്കരണ ക്ലാസും സംഘടിപ്പിച്ചു.